笑到流眼淚的春嬌與志明

發佈日期 : 2012年 4月4日    圖 / 文 : 巴斯

上集好好睇，下集一定支持，出發前幾天，

專登拿返隻藍光碟出來溫習，可見我對下集抱有幾大期望。

新商場 Pop Corn 在將軍澳港鐵站落成，內裡有  MCL 戲院，提供七間迷你戲院，

由於想睇春嬌與志明的關係，試下新戲院~~~

嘩~~~~場數都開得好密下啊~~~差不多每小時都開一場。

由於要就朋友關係，沒有網上訂票，只能現場買票，幸好並不多人購票。

加上差不多每小時都開畫，咁自由度就大好多，唔會趕著時間。

選了適合的場次，是圖中的 3號院。

來到場地的佈局係咁樣，座位一般啦。

個人評價

今集好睇過第一集，最主要係對白好笑，笑到流眼淚，唔係一句半句好笑，

係全片有好多個笑位，都是對白引人發笑，而唔係動作。

近年好少電影內容可以使我笑到流眼淚，但呢套就可以了，編劇 陸以心 功不可末，因為要想出咁多好笑的對白真係唔容易。

陸以心 ，這個Like是送給妳的。

不過對白並唔係單單一味得個笑字，有一些是有意思和共鳴，例如其中一句 : 

成世流流長，總會愛上幾個人渣

你無法想像呢套電影去到出最尾的人名謝幕時，都安排了一段精彩內容，把觀眾留到最後一刻先離場。

男女主角都做得好好，尤其喜歡片中楊千嬅的演繹，楊冪雖然靚過千嬅多多聲，但在這電影裡我個人並不喜歡她的表現。

整體來講，呢套劇情片，好睇過荷里活那些一味講~講~講~，講極都唔打的英雄片多多聲。

落畫前我一定會再入電影院重溫一次，因為我真係好喜歡這套電影，有一些好笑的對白，我應該忘記了，到時又可以得到重溫。

散場時和朋友回味這套電影的劇情，都用了15分鐘的話題，可想而知係多吸引。

不過唔知點解，有人睇過話內容差過第一集，我知道後好諤然，不過唔重要，你就當我精神有問題囉，

最緊要我自己覺得好睇就夠，其他人是否喜歡，點解唔喜歡，我無興趣知。

我諤然係覺如果呢套電影都唔叫好睇，咁試問呢個世界仲有什麼值得開心的事物呢? 咁其實真係幾悲衰，幸好我唔係囉，感謝上天。

不過我一定推介這電影給我的朋友，尤其這個長假期，一定要抽時間睇這電影，樂在其中呀~~

如果你對這套電影都有幻想的話，可以先看看預告片，再作決定是否入場睇。

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。