Dexim 浮跨線

發佈日期 : 2012年 4月2日    圖 / 文 : 巴斯

  Video 

Dexim有一條與Apple原廠同步 / 充電線一樣功能的線。

定價居然與原廠售價差不多 $19.9美金，看清楚，原來與原廠 apple的不同之處，是這條線會發光。

所謂發光，並不是恆定光咁簡單，而係在充電過程中，以走馬燈方式走動，更是有方向性的遊走到目的地。

最利害是如果目的地係無乜電的話，走馬燈遊走速度會走得好快，以示快快充電中囉~~

到電力充到大約中段時候，走馬燈會走得慢一點，以示電動正充到咁上下。

到最後，當充滿電量後，走馬燈就會自動熄滅。

尤其燈光暗的環境下仲正，好似汽車內的昏暗環境下充電，朋友一定會好喜歡爭住來充電，係咪好浮跨呢?

線身有黑色或白色選擇，而走馬燈可有三個顏色選擇，分別係藍色，紫色和綠色。

這產品並非只有 apple 的 30Pin插口，同樣提供 micro USB 給用家選擇。

我在網上見過有關資料，實物真係未見過，上星期去旺角聲耀時，見到售$148一條，於是接佢回家一試，

原本我係用作白 Note用的，但好可惜，無貨，咁我唯有要 apple 的 30Pin插口給New iPad用吧。

開箱

圖中可見是這個包裝的樣子，除了看圖識字外，最下面可見到是給Apple  30Pin插口專用版本。

有封條架播。

行貨還有一年保用，

開盒正式開始喇~~~~在底部開封先得。

內膽是用一個透明膠包裝起來。

拖出來之後可見到說明書和線身，兩端分別是 USB 和  30Pin 接口。

就咁用眼看線身的話，見到線身中央是有一條綠色的夾心，

正常丫，因為我選擇了白色身，綠色走馬燈嘛。

太好喇~~~剛剛需要充電，就開始用來充電喇~~~

一頭一尾，接上來為 New iPad充電先得。

靚到呢~~~~

事隔一日，我的一位好朋友 Whatsapp我，內容如下.........

到見面時............會唔會太巧合了吧!!!!!!!居然..........係呢條線，而且係我得不到的 micro USB 版本。

哈!!!!唔怪得佢問我用 iPhone 定 Note 啦，真係太感動，唔好對我咁好啦，我會愛上你架。

真係好好彩呀，兩條唔同種類的線，唔會重復啊~~~~

我個白 Note今後都可以用呢條線喇，我唔記得同大家講，

唔知點解自從 New iPad 返來之後，我用白 Note 放在 New iPad合照後，我就在那一刻開始，

好似中了毒一樣，無啦啦我喜歡白 Note呀，呢個世界真係好奇怪呀。

這條線身係白色，走馬燈係藍色。

朋友講得好好，佢話呢條走馬燈線，會把沉悶的充電動作，變成有趣的事情，

而且充電過程，離遠望一望走馬燈的速度，就可以大約知道充到什麼狀況，佢真係講中晒我的心事，

如果你有朋友最近生日，又想唔到送什麼禮物的話，可打這條線主意丫。

再一次多謝呢位朋友送我這禮物，真係好實用而且好喜歡，多謝，多謝，再多謝你。

聲耀全音

香港旺角西洋菜南街1A百寶利中心1405室

Tel: 3188 1720

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。