CAS 人間慘劇 之 圓方頭光纖線
發佈日期 : 2012年 4月22日 圖 / 文 : 巴斯
|
|
|
CAS當中的 AirPlay 起手式利器 AirPort Express，其強項是依靠她的光纖輸出到 AV amp做處理，
萬萬無想過有不少朋友，原來用 3.5mm耳機插孔轉 RCA 線，來代替光纖線。
用咁樣的方式接駁，完全無發揮到呢個組合的最高效能，真係人間慘劇。
 |
 |
細問之下，原來他們都是因為找不到那裡買光纖線，所以轉用 RCA接駁。
起初我以為個別一個半個朋友找不到，原來很多人都找不到，而他們的口吻都是一置，都係話四圍找過都無。
但我見一街都係，點可能四圍都無?
圖為慘絕人寰的接駁方式，用 3.5mm耳機插孔轉 RCA 線駁到 Av Amp 上去。
如果朋友你正係用呢一種方法接駁的話，唔該你對自己好D，改返用光纖線吧。
 |
 |
|
|
|
正式用在 AirPort Express 與 Av amp 之間的光纖線，因為是一頭方型，一頭圓型，所以稱為圓方頭光纖線。
圓頭屬於 3.5mm耳機插孔是插到 AirPort Express 身上，方頭是接到 Av Amp身上。
所以一定要買圓方頭光纖線，市面上就算找到有Sony 或 JVC 牌子的話，都係講緊約 $70-$80 ( 1.5M )。
無需要買太名貴的線材， AirPlay並不是什麼高偕玩法，要花費的話，倒不如進偕到另一種CAS的高偕玩法，請不要把錢倒落海。
 |
 |
|
|
|
不要轉換頭
有日經過官塘呢個巴士總站 ( 寶聲戲院後面 )，這店雖然有售圓方頭光纖線，但屬於接駁轉換頭。
購買時只要不買駁頭就可以了，因為如 JVC 也有推出一款是兩頭都是一樣的，
但提供一個由圓方轉頭送給用家，盡量不要轉換頭吧。
|
|
|
鴨寮街有售
個個話行了好多間都找不到圓方頭光纖線，可能大家走去那些高尚的店鋪或商場找，咁一定無啦，
就算黃金或高登都無架，但係成條鴨寮街就一街都係，如果你們真係打算腦部零思考，一步到位的話，
咁我唯有用以下方式給你們帶路，以下只係我某日經過鴨寮街，求其見到一間，就影呢間吧。
我無在香港十九區行一轉格過價，呢家店係全港最平定最貴我都唔知，我只係經過順便影咁解。
呢間係位於公廁與華輝之間，專賣雜線的攤檔。
留意藍圈所見是華輝，紅圈位置就可以見到老闆把圓方頭光纖線掛了出來當眼處。
|
|
|
拿，我們行前D睇睇喇~~~~~仲唔夠前?
|
|
|
咁夠喇掛，我只可以Zoom到咁炸，喂喂喂，我唔係幫襯，如果叫我走埋去影，我真係唔夠膽。
仲未睇得清楚個價錢? 但我真係唔夠膽埋去影喎..........
咁一係 crop 相喇，家陣D相機拿埋都過千萬像素， 咁樣 crop 睇到喇掛。
拿你自己睇睇個價錢喇，由 1米起跳，一直到 10米 都有，售價由港幣 $35 ，到 $135不等。
你話慘唔慘，點會無丫~~~
後來熱心網友來信，附件內有這店鋪所發出的單據，上面的價錢和我所貼出的價錢有出入，
原來我當日所貼出的價錢，是雙方頭的價錢，以下這張單所開出的是網友購買圓方線的真正售價。
 |
 |
|
|
|
國內的朋友，透過淘寶購買就更方便，街都唔需要出就送上門，
你睇，多達 13頁的選擇，原生的圓方頭又有，連我們不適用的轉換頭都有。
|
|
|
鴨寮街平面圖
如果座地鐵來的話，C2出口，上到來地面如圖向左行就可以找到這店。
|
|
|
拖拉互動地圖
如果你唔清楚位置，
可用滑鼠參閱以下的拖拉圖，了解附近的環境。
用滑鼠按實圖片後，再上下左右拖拉圖片，就可以360度球形觀察到附近環境。
Video
|
|
|
旺角區有售
這日行經旺角女人街時，接到朋友電話，問可否如經開鴨寮街幫佢買條圓方頭光纖線，
我...........都唔知幾時會再經鴨寮街啊，不如在附近的電器店睇睇啦。
當時在威威店附近，印像中行過少少，在DVD PRO後門對出有一間電器店，不如行去睇睇啦，去乜鬼野鴨寮街 jack~~
|
|
|
來到店鋪，一眼見晒咁多地方，在紅圈呢個位置，就可以見到有售。
所以真係都係，真係唔知點解各街坊話找不到。
唔該，唔好再同我講買唔到呢 OK ?
|
|
|
|
|
|
首先見到呢款，個包裝好舊，好多塵，開價 $70 ，於是我打算影比朋友睇，問佢咁要唔要。
我問老闆娘我是幫朋友買的，我要影張相比我朋友睇，問佢要唔要，點知老闆娘話 :
老闆娘話 : 咁你不如問埋 JVC 啦，仲有 JVC架，不過你要等我一陣........
幾秒後，在隔多一個身位的位置，老闆娘找來呢盒，新速速的，見一見個價錢牌，
再影多一張相比朋友睇，呢條只有0.8m，是否夠長?
 |
 |
|
|
|
打開包裝睇清楚D先。
兩個頭都有防塵膠套來套著頭部，整個包裝都做得好好，一睇就知係日本仔所為。
|
|
|
線身早被好好的固定在卡紙內，而背面可見到使用的圖片介紹。
哈~~~~佢的接駁目的地，今日都唔會有人用該兩款機，2012年介紹呢類線，真係好搞笑。
如果唔係因為Airport Express的關係，真係唔會去買入呢D線。
 |
 |
|
|
|
反轉過來睇睇張卡紙先，上面都印有在日本製做的字樣。
 |
 |
|
|
|
把防塵膠套拆走後，就可以見到一邊屬於圓頭和另一邊的方頭。
而且在頭部也見到 Japan 字樣。
|
|
|
卡紙幾個位置的JVC都是後期用貼紙的方式貼上去，但幸好卡紙上是有印上 JVC 字樣，有地址。
不過算啦，講緊一百幾十的舊款線材，咁都要騙我都無話好講喇。
 |
 |
 |
 |
|
|
|
群利平面圖
如果座地鐵來的話，E2出口，上到來地面如圖步行就可以找到這店。
拖拉互動地圖
如果你唔清楚位置，
可用滑鼠參閱以下的拖拉圖，了解附近的環境。
用滑鼠按實圖片後，再上下左右拖拉圖片，就可以360度球形觀察到附近環境。
Video
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。
