金陵十三釵

發佈日期 : 2012年 5月21日    圖 / 文 : 巴斯

5月18日星期五，Dolby新聲效技術發佈會後的第四天，

香港就推出第一隻擁有DOLBY TRUE HD ADVANCED 96K UPSAMPLING 技術的藍光碟 金陵十三釵。

雖然未能趕到做出這技術的招紙，但內容是有提供這技術的聲軌。

　星期五下午到旺角DVD Pro時就見到以門市以 港幣 $188 正發售中。

當然第一時間買來八掛一下。

以下是這碟的正面和背面包裝樣子。

在碟面印有這碟的基本資料。

當中有見到 嘉耀製作有限公司負責人 Michael Lau 做這碟時，提供兩條聲軌給用家選擇。

雖然無新聲效的 Logo在碟上出現，

但憑著印上 DOLBY TRUE HD 24Bit / 96kHz 也可得知一二，今次還用上7.1聲效。

把藍光盒打開時就可以見到光碟和背面的盒子內的圖片。

把光碟拿走之後，好喜歡這張構圖，很有心思，一個好強的對比。

十個讚!!!!!

50GB單面雙層

片長 146 分鐘，如果要保住畫質的話，必需要用50GB單面雙層碟。

雖然包裝紙上沒有提到是雙層碟，但透過碟的軸心位置，可見到是屬於 50GB單面雙層碟。

下圖是把碟放到藍光機上播放，所出現的主菜單。

在聲軌選項裡一共有兩條聲軌給用家去選用。

分別是  DOLBY TRUE HD 24Bit / 96kHz 與 Uncompressed PCM 選擇，兩者同屬 7.1聲效。

當用家把聲軌選擇到 DOLBY TRUE HD 24Bit / 96kHz ，

在藍光機上的顯示，都可以見到是 96kHz ，而且也可見到畫面動態資料數據。

而 Av amp 的顯示屏上，會出現如下的顯示。

實質用耳收貨的話，感覺都係喜歡 DOLBY TRUE HD ADVANCED 96K UPSAMPLING  多過  Uncompressed PCM 多一點，

因為前者的效果突出一點，尤其環繞聲和人聲效果。

呢套電影在文戲對白的時候，都會不時在遠處發出炮聲槍聲作為戰況的交代，

這個氣氛效果真係唔錯，喜歡這類聲效的朋友一定會好喜歡的。

個人評價

單係聲效好係唔夠的，最緊要劇情好先得架? 

唔通用DOLBY TRUE HD ADVANCED 96K UPSAMPLING 錄一段我在床下底找雜物，片長 1小時，你會因為咁而買呢隻碟咩?

正所謂養兵千日，乜乜物物，上述的戰爭動作場面，都足夠用來毒害親友了。

拍得唔錯架，唔會老套，同荷里活的戰爭場面有得比。

唔好以為呢套戲一味靠炸，其實文戲都唔錯架，

謀女郎 倪妮 在片中靚到佢呢~~~~淨係睇佢的演出，就足夠理由買呢隻碟了。

雖然其他演員都做得好好，但點都唔夠 倪妮 咁搶。

唔知點解我見到她，就會聯想起中森明菜 ( 其實.....靚過中森明菜添 ) 。

你睇~~~你睇~~~ 真囉命~~做得謀女郎，真唔簡單。

仲有，片中各妓女的衫都好得，有幾段她們一起站著或坐著的畫面都好吸引，我好喜歡，這方面美術指導應記一功。

何況呢套戲因為係戰爭片的關係，全片的佈景都唔係好多色彩，妓女的衫或多或少都有顏色，

所以當她們出現的時候，畫面總是比較好看一點。

另外我明白大家會鬧片中的中國軍隊衫似德軍，以我當作虛構故事來睇的話，

最緊要靚或型，其他話之佢啦，無人話過呢套係鏘鏗集丫~~呢套戲由頭到尾我都滿意架。

就算無新聲效格式，我都會購入這碟作收藏之用。

關於《金陵十三釵》裡面的中國國軍的軍服是德國式，多謝 JACK LEUNG 提供以下解說 : 

他們是中央教導大隊（國軍最精銳部隊）也是蔣介石的御林軍來的，

是在抗戰前就由德國顧問和裝備現代化的軍隊，規模應該在三個團吧。

其傑出戰績是在南京雨花台對日軍以一敵十。

賤格的我

有關 DOLBY TRUE HD ADVANCED 96K UPSAMPLING 技術 ，我有一個奇想，

如果我係 DTS 的話，我會因為 UPSAMPLING 技術在藍光碟內所獲得額外空間，

我就會做一個再大 Size 的 DTS 新聲效，你節省 20%咩? 我就加大 20%。

使到自己的壓縮再少一點，既然你唔用咁多空間，我又唔需同你客氣喇~~~

 反正我又唔信製作公司會唔用DTS聲軌

~~~哈~~~~我係咪好賤格呀? 噓~~~講下笑遮，唔好咁認真。

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。