如果有呢日 

發佈日期 : 2012年 5月26日    圖 / 文 : 巴斯

  Video 

這歌名叫 真假情話，收錄在關淑怡的 The Story Of Shirley 專輯內，當年銷量得過一隻白金唱片。

片段中 ( 0 : 44 ) 出現的旗，你能眼快見到係屬於什麼旗呢?  

比少少貼士你，這裡是調景嶺，時為 1993年，距今19年前的事，當時香港還未被中國收回主權。

加上調景嶺的政治背景，所以該支旗，可以在該個地方飄揚。

這首歌作曲•填詞都屬於蔡國權的作品 ，由關淑怡演唱 。

時至今日，無論係( 上述兩位  )人物 ，還是地點，都今非昔比，

唔知點解聽完呢首歌，再想起今日兩位............個心有點...........唔知點形容。

但無可否認，這首歌真係好好聽，尤其睇埋畫面。

這首歌我以前聽過，但當時聽完印像不深，完全唔覺得好聽，叫做知有呢首歌囉，更加無睇MV ，

當年完全無留意歌詞和旋律，原來係咁好聽，近期迷上這歌，好欣賞蔡國權的創作材華。

而負責編曲的盧東尼，也應記一功啊。

如果有時光機可以回到1993年拍攝這段MV的場地，同當時工作人員講，19年後，呢度會變成其中一個地鐵站，

而且蔡國權 和 關淑怡仲會...................你估我會唔會比人捉去精神病院丫拿? 

你笑我，你咁叻，你講丫，你講比 1993年的人知，

2012年D人可以用手機週街上網，廣東道會成為名店街，專門招待國內人來買野，

仲要排隊先有得入，美國總統係黑人，D人在家中打機唔需要操控器，只需要在電視機面指手劃腳就得，

你講丫!!!講啦嘛!!!睇下你比唔比人捉去青山丫拿。

　不過唔緊要丫，由現在數起計，即 2047年，apples 正式宣佈破產，

接著之後的一年，即 2048年，王老吉全面收購可口司樂公司。在 2088年，候賽因個孫，當選成為美國總統........

我發神經 ? 咪就係囉，要同1993年的人講，第日調景嶺會係地鐵站，仲有上蓋物業，賣每呎$6000 都排晒隊去買。

同今日我講，上述的預言，有乜分別先，拿你咪又係唔信呢D發生在日後，鐵一般的事實?  ^_^

多謝 CAS 使我可以有心機去聽返昔日錯過的好歌。

這碟一共收錄了11首歌曲，

但日版會加多兩首歌曲在最尾位置，一共有13首歌曲。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。