Robynn And Kendy 

發佈日期 : 2012年 6月14日    圖 / 文 : 巴斯

 剛在旺角節拍買完呂珊CD後，正趕時間地離開，自然會經過威威店，店內傳出非常熟識的歌曲，

一聽就知道係 Robynn & Kendy 所唱你是我的女人，呢首歌在Youtube日聽夜聽，點會唔熟呢? 

即時望一望日曆，啊~~~想起了!!!!!原來今日是 6月13日，正是 Robynn & Kendy 簽約環球後，第一張推出的唱片，

好彩威威店播到出街外都聽到，否則我今晚一定睡不著。

　見到威威店貨架上，以正價$105發售中...........

 後來做完事情後，八掛去信和 Sky Music 睇睇自己有無買貴到，原來都係$105。

丫~~~~成張宣傳貼在當眼處，一定係唱片公司主打啦。

 　1月份簽約環球，今日終於可以推出到屬於自己的唱片，相信 Robynn & Kendy 同喜歡她們的歌迷都有個交代了。

呢張專輯，係三碟價，包括兩隻CD和一隻DVD。

可能唱片公司希望大家留意， Robynn & Kendy 屬於唱作女子組合，所以CD碟分成兩隻，

碟一全六首都是 Robynn & Kendy 自己創作的歌曲。

而碟二就是屬於她們在網絡為人熟識的成名翻唱作品。

 Disc One  Robynn & Kendy 原創作品

 Disc Two 翻唱作品

 DVD 

呢個係市場上唯一的版本，三碟裝附上一本影集，

我個人覺得影集設計如果與CD一樣大小會順眼好多，而且對珍藏在柜內更方便和美觀。

由於影集面積大過CD包裝，為免影集在運送途中損傷，

在影集內附上一塊厚紙皮來鞏固著影集。

影集每一頁都是卡紙，手感不錯。

透過這角度也可大約猜想到實物的頁數。

影集都是配合返兩位創作女子組合的清新風格。

相片多是以她們在玩音樂時的內容為主。

尾頁分別有 Robynn & Kendy 的感謝詞。

影集睇完，再睇光碟包裝。

透過這角度，可見到屬於厚包裝。

當然啦，三碟裝嘛，是屬於三摺式設計。

把第一摺打開，首先可以見到左手邊的DVD碟。

擺放DVD的位置下面暗格，是擺放歌詞的地方，

一本紅色的歌詞小集，可以在這個暗格內拉出來。

透過這角度，可大約猜想到這歌詞的頁數厚度。

歌詞小集內，一樣有 Robynn & Kendy 的清新樣子可以見到。

把摺盒全開之後就可以一眼見盡三隻光碟了。

三隻光碟如果正面睇，係睇唔到任何文字在上面的。

如在側面或某一個斜角度望的話，就可以見到上面的印刷了。

就好似呢隻DVD為例，在這個角度，就見到這個花紋。

這是 Disc 1在斜角時所能見到的字樣。

這是 Disc 2在斜角時所能見到的字樣。

封背的樣子是如圖所見。

 個人評價

真係唔想再聽到市面上的所謂爵士音樂喇，聽到個爵字都想走喇，個個都出，乜呢個世界家陣只係得所謂爵士音樂咩，

何況有好多都唔係真係爵士音樂，搞到好似去左酒店大堂聽歌咁。

 Robynn & Kendy 呢隻碟風格好清新好舒服， Disc Two 翻唱作品就唔雖介紹，

正係她倆在youtube的成名作品，只不過現在有一個更好的聲效給大家欣賞到，相信唔會有人覺得反感。

 Disc One的原創作品，同樣是走清新風格，由於只有一晚時間 ( 1小時 ) 可以有空欣賞到，

熱飯不可能急食，我需要多一點時間消化，初步是我喜歡的內容，絕對無後侮購入這專輯。

以下時間，不如聽聽 Robynn & Kendy 的作品丫。

翻牆

  Video 

小說伴咖啡

  Video 

你是我的女人

  Video 

那些年

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。