日版係唔同D

發佈日期 : 2012年 6月25日    圖 / 文 : 巴斯

 與 Labi 電器連鎖集團一樣，擁有多層高的電子消費品大廈，在上野都有一間，一出 JR 上野站就見到。

昨晚睡得不好，因為中途要起身充電，來到日本仲唔喪影咩，晚上回酒店後兩粒電都用光了，要進行充電，

用開NEX-7的朋友都知道，要充滿一粒用光了的電，絕對唔係十分鐘搞得惦，要輪流為兩粒電充的話，中途要換電。

得一部充電機，十粒電池都無用啦，唔通成晚唔睡陪充電咩，但唔充滿兩粒的話，第二日一定唔夠用。

這日來到上野，見到呢座電器店，心想..........不如多買一部充電器，

除了 JR外， Skyliners 京成上野站，仲對到正，

只隔一條馬路，真係方便到無朋友。

如計埋地庫，這裡高八層。

如果手機無電，100日圓可以在這裡充電半個小時。

相機用品在地庫的一層，落去睇睇先，真係好大間啊。

上次代言 NEX-5 的 淺野忠信是長髮形像，今次代言 NEX-7 來一個短髮。

浅野忠信在日本代言的 NEX-7 廣告。

  Video 

18-55 鏡頭，日版黑色靚仔好多啊~~~~~~

來到相機配件部，在跟身的 NEX-7 身上拆出電池，向店員指手劃腳一輪後，聰明的店員自然就知道我想點啦。

包裝盒背面印有世界電壓，得左!!!!!

香港版與日本版差別

香港版和日本版最大的分別，就係佢的電源插口，

圖中右手邊是香港版，天生 8 字頭，要接上外置三腳頭電源線使用。

而左手邊是日本版，無需額外的電源線，就可以充到電。

除此之外，兩者在功能和外型上無太大的分別。

背面可以見到左手邊的日本版電源腳，由於是兩腳的關係，

可採用摺合式設計，無需用家額外再配電源線。

日本版係唔同D架，呢個就係佢的強項喇。

能摺合的電源插頭，完全唔阻位置，無論收藏在行李內，又或者使用時，都一樣咁省位，無得彈。

產地來源，當然係世界工廠啦~~~

返酒店試下先，睇下有幾省位先得。

究竟可唔可以並排一起充電呢?

哈~~當然得啦。

你睇，兩者之間，仲有少許空位多出來添~~~

就算放入洗手間的插口充電，都係無任何問題，實用又方便。

搞到我依家好憎見到那個八字頭，仲要拖條三腳頭電源線出來的香港版。

香港版售價

香港官方網址可見到這個充電器售價。

日本版售價

日本官方網頁上的售價係 5954日圓，如果以十算計的話，即 $595.4 港元。

而我在上野所購買的是 5980日圓，比官網還要貴多 26日圓， 5980日圓如果以十算計的話，即 $600 找返 $2 。 

為了唔想今後去旅痕時，中途起身充電，算啦，係就係貴D，最多唔食幾個月早餐補數啦。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。