超實用的旅痕良伴 Plug Bug

發佈日期 : 2012年 6月3日    圖 / 文 : 巴斯

呢件好野叫 Plug Bug，係一位朋手友去美國時買返來送比我的，香港搵唔到邊度有得發售，實在太實用了吧。

我都唔知點野用文字表達佢的好處。

最吸引係左手邊的 10w USB 字樣，即係比 iPad USB 充電器跟機的 5w 多出一倍來。

右下角仲有埋售價添。

頂部有封條封著，但我不捨得拆破她，唔知後門有無封條呢?

丫~~~無封口的，咁就可以由後門入喇~~~~~

把盒內的 Plug Bug 拉出來先得。

打開這個內盒，就會見到 Plug Bug的真身。

真抵死，取出來之後底部有 thankyou字眼，使我想起日本拉麵食完麵，連湯都飲盡之後，碗底都係有感謝字眼一樣。

實物可透過手的比例，猜想一下。

整個 Plug Bug 的樣子，就係咁簡單，兩腳電源插頭係摺合或設計，

另一邊是提供一個 USB 接口給用家去為他們的產品充電。

第一組合

呢款接頭，能配合其他配件，有幾個不同組合，

先講最簡單基本的用途，用USB接口來充電，

由於夠Power的關係，iPhone充一定無問題啦，就連 iPad 都充得到。

唔好咁認真，佢話比 i 產品用，就真係得 i 產品用得架，

呢個只係一個標準USB接口吧，我所用的 Note ，都係USB接口，所以旅痕時用埋佢呢個位來幫我部Note充電。

Note 好大咬，唔好以為求求其其比個USB佢就算，唔夠力的USB，真係有排充都餵唔飽佢，

但呢個就無問題，好惦@@@@彭彭聲。

想變身的話，先把背蓋如圖推開，就可以見到有個八字頭的接口，準備與其他配件接合。

唔記得提佢的腳是摺合式設計，混入行李內，可以收藏得好好。

第二組合

你認得圖中白色的是 iPad 跟機來的電源插頭嗎? 

如果你想把她們二合為一的話..........

首先就無需用任何工具的情況下，

把iPad跟機來的三腳電源插頭拆走。

然後就可以把兩機合體了，整個過程，無需任何工具。

搞惦~~~合體之後並不笨重。

留意她倆合體之後的USB接口並不互相阻擋對方。

也就連電源頭，和兩個USB頭，都唔會阻到對方接合。

最最最強橫係呢個組合，因為以呢個組合出來，只需用一個電源位置，

兩個USB接口，可同時為兩部 iPad 充電，又或者一部手機加一部  iPad 充電，有USB接口，你想點都得。

彭彭聲!!!!!趕時間就一定係呢組合架喇~~~~

第三組合

你認得佢嗎? 佢係我最喜歡的Airport Express ，她其中一個功能就係路由器 Router。

平日我係用佢來做AP或CAS的AirPlay功能，但旅行時她就是一個好好用的路由器 Router。

在香港時佢就係三腳頭，去旅痕時就換成兩腳先出門口。

有了 Plug Bug 之後，Airport Express 出門就唔需要任何腳喇，

因為 Plug Bug 自己有腳嘛。

你睇，她們合體之後，只用一個電源接頭，

就同時有USB充電和發出 Wi-Fi 訊號比同時最多5部機分享用途。

五位朋友一起用來上網，仲有一部機可以用USB來充電添，聽到都開心死啦，係咪。

呢個組合，由於電源被 Airport Express 大量用上，所以唯一的 USB 接頭，

只可以為 iPhone正常充電，並不能為 iPad 或大食的產品提供大能源充電。

其實仲有 Macbook 組合，但由於我無 Macbook 關係，只能靠大家幻想了。

多謝那位好友，送給我這實用的 Plug Bug ，實在好喜歡呢件產品呀，多謝~~~多謝~~再多謝。

提提大家，如果覺得用這個 10w USB 快充會傷電池的話，請你忘記以上所見內容。

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。