OZAKI iCoat Slim Y
發佈日期 : 2012年 7月4日 圖 / 文 : 巴斯
|
|
|
移居 L.A.的妹妹，近日買了圖中所見的 Kitty 伸縮線耳機和手寫筆比佢部 iPad2用。
妹妹一向喜歡鮮紅色的物品，這個Kitty 伸縮線耳機雖然是粉紅色，但也要為她配一個鮮紅色的袋。
|
|
|
iPad 2 的 Case 也是鮮紅色，本來白色 Kitty 線，配白色 iPad 2 係好順眼的，
但無奈 Kitty 線拉到最長，也不夠用，由於妹妹不知道那裡有白色延長線出售，唯有順手買條黑色就算。
結果...........好唔惦。
|
|
|
在香港這些線多得很，可能美國都有好多，只不過妹妹不懂那處有售咁解遮。
由於我覺得 Kitty 耳機線唔會好聲，仲要係伸縮線，就更加遠離高質素吧，
不過唔重要啦，妹妹又不是發燒友，於是幫佢順手在腦場買就算。
嘿~~~~~我居然返到屋企先醒起要試，聰明的你一定知發生乜事啦，
嘩~~~~D聲差到無可能接受到，我雖然唔係發燒友，但都無可能接受到咁差的聲音，痴線架!!!!!
只係聽了10秒，就決定唔會比呢條線妹妹用。
$ 20 只用10 秒，我相信無人買過一條咁名貴的延長線囉。
|
|
|
老闆，比條好一點質素的白色延長線我丫。
呢條是在旺角星際裡的 亦軒耳機 能提供到白色有質素，而我又買得起的延長線。
乜野牌子 ? 你熟過我吧，背面又話自己乜野 OFC 乜野 24K，算啦，只不過接上Kitty 伸縮線耳機上面去遮。
包裝盒右上角印有 800日元的字樣，如以10算計，即港幣 $80 ，依家 $79港幣，係咪算平左架喇 ?
插口係曲尺型，無咁阻位，唔錯丫，就呢條啦。
 |
 |
 |
 |
|
|
|
今次即場試，其實我要求好低，唔好劣化就得架喇，唔通接完條長一米的延長線，會靚聲左咩 ?
接上我的耳機和手機之間，邊有之前果條雞線差得咁緊要得架，用得過，總之妹妹一定無投訴。
買就買了喇，咁.....無奶油淨係寄條線比妹妹架，咁郵費咪好唔化算囉。
|
|
|
剛巧在網上見到呢個牌子的 iPad Case ，好似好好用咁，雖然無妹妹最喜歡的鮮紅色，只有瘀紅色，勁反感啊，
不過其中一個粉紅色就好靚喇~~~
當然吸引我係佢的設計囉，而且仲可以在背面插筆，正呀~~~~
Video
|
|
|
於是去旺角先達走轉，一找就找到了，分有筆和無筆兩種，
呢個粉紅色屬於有筆的款式，原價六百幾，現售 $480 。
|
|
|
哈~~~~就算OZAKI 自己都唔用NEW iPad 呢個字眼，改用 iPad 第三代，好明顯係唔想消費者有乜野誤會啦。
所以話呢，都唔知邊條友仔改 NEW iPad 呢個咁白痴的名 ( 唔會係死左果個改掛 ) ^_^
|
|
|
|
|
|
我之所以睇中呢個 Case ，除了她的靚靚粉紅色外，另一個主因，係她的設計實在太正，仲獲得設計獎添架。
睇完圖中所見的玉女心經與葵花寶典，你都應該了解一二了吧。
以下咁多個不同角度，你唔好話我知咁都唔夠用下化?
她與原廠 Smart Cover 一樣擁有 磁吸功能。
 |
 |
 |
 |
|
|
|
包裝盒背面四邊都有圖中所見的圓形封口貼，不過無料到，
係容許任開任貼的，我開完又可以貼返實，無人會察覺到囉。
 |
 |
 |
 |
|
|
|
打開之後，入面就係咁架喇~~~~
|
|
|
雖然表面無紙包著，但底部就有。
在盒內可以見到份玉女心經 ，仲有一枝筆送天。
 |
 |
|
|
|
粉紅壓花
呢個粉紅色好正，我個人覺得無紅色咁"娘"囉。^_^
留意這個 Case向外的顏色，是淡粉紅色。
|
|
|
|
|
|
而內裡是較深的粉紅色，你睇突面壓花幾靚，正到無朋友。
 |
 |
|
|
|
筆套
左圖所見，可以見到有一個跟來的筆套和一枝筆，筆套係作為接上用家自己擁有的筆，
而跟來的筆，係唔需要用筆套，就咁套入Case背面的軌道去。
圖中所見的白色條，只要把她拉出來，就會出現路軌，可以替換筆套或跟來的筆在路軌去。
|
|
|
|
|
|
好啦~~~套部 iPad 入去睇睇先，嘩~~白色機身襯粉紅色，靚得好緊要~~~~
而且套完上去部機唔會厚好多，一點都唔笨重，瀟洒最緊要呀~~~~
|
|
|
你睇D邊位，唔會整條邊包死晒，只係在重點的位置包邊，為的是保持原本 iPad 的線條。
|
|
|
你睇，apple 原廠的 Smart Case 幾唔惦，包死條邊，一字記之若~~~ 頓 。
|
|
|
底殼好硬淨，邊位唔會界手，其他按鍵位置開口都好準確，手工真係唔錯。
|
|
|
|
|
|
有無留意到呢個面，與原廠 apple Smart Cover 的面最大分別，
是這個多了一個 Y 字，這點也是她得獎的最大理由。
|
|
|
當用家要把 iPad 企高時，就算單手都可以把呢個 Y字摺起，一摺一掘，就完成變身過程，方便得很。
 |
 |
 |
 |
|
|
|
打直放又得。
|
|
|
打橫放又得，如想打橫放的話，只需直接橫放就可以，無需再變身。
|
|
|
留意，用呢個Y字位所摺出來的擺放角度都係斜斜地架。
如果用家覺得呢個角度太斜的話.........
|
|
|
|
|
|
唔緊要，立即變返原廠 apple Smart Cover 咁挺直都可以，
你睇，用原廠 apple Smart Cover 的摺法，咁樣夠企身喇掛。
|
|
|
|
|
|
如果想放桌面角度，同樣可以用原廠 apple Smart Cover 的摺法吧，
呢個方法都有兩個斜度使用架，你話開心唔開心先~~~~~
我個人覺得呢個粉紅色 iPad Case ，
非常之襯粉紅色 Kitty 耳機和粉紅色手寫筆架，加上白色延長線全套，正!!!!!
|
|
|
好喇......介紹完呢個 Case ，係時候包好佢地，然後寄比妹妹，
呢條友個頭像下面，有一個無用的位置。
|
|
|
|
|
|
不如唔好要延長線個盒啦，放埋落呢個位咪好囉，
嘩~~~~Fit到震，度身訂做一樣。
|
|
|
咁條雞線呢?
算啦，放埋入去做陪葬品啦............采!!!!吐吐吐!!!大喜利是，講過講過，放埋入去做後備先真。
|
|
|
|
|
|
搵個 Air Bag 來袋先得。
|
|
|
|
|
|
丫且~~~~~~~條雞線放入去個盒裡面後，關唔到門，算喇算喇，由得條雞線在外面算了。
雞線即係雞線，果然係爛泥。
|
|
|
今時今日封口唔需要好似隻狗咁，要伸條利出來咁不雅架喇，
況且咁大個袋口，我何來咁大篤口水先得架 ?
有封條用嘛~~~，依家真係先進。
|
|
|
|
|
|
仲有氣孔，免除封口之後谷氣，真係週到。
郵差話掛號同無掛號，相差約港幣 $10 ，是否掛號，你代我答喇。
妹妹話郵局識得人，同佢單聲，就可以順利送到妹妹手上咁話喎，條友個名叫什麼 耶和華 咁上下，一睇個名就知唔係華人啦。
妹妹話同佢講聲就得架喇喎，叫我向住個郵筒講，我講左喇，但無回音，
且~~~得唔得都講聲丫，又無收條，無聲無氣，都唔知得定唔得，都係寄掛號實在D，起碼有收據嘛。
後來我用追縱郵件功能，見到份郵件只需要三日就到達美國了，唔知妹妹幾時先收到呢?
希望在美國的國慶前收到啦，唔係的話又要遲多日架喇。
唔該晒呀耶和華，美國那邊靠你喇~~~~~
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。
