低俗喜劇

發佈日期 : 2012年 8月15日    圖 / 文 : 巴斯

看過低俗喜劇的預告片，第一印像是鬧劇，我一定唔會入場睇。

世事就係咁，邊個話有一定架，呢日朋友就正正係在咁多套上畫中的電影，套套唔選，就係要睇呢套，

咁唯有..............

唔知係唔係因為我打定最衰的心理因素，睇落又唔係咁差，某D位又真係幾好笑。

我個人好喜歡近年杜汶澤的表現，呢套戲都係演得不錯。

彭浩翔話最憎人在他的作品去到尾聲，一出謝幕，眾人就急著開電話，覆Whatsapp，傾去邊度食飯...........，

乜做完喇咩，所以他專登在謝幕期間，插入片尾。

所以呢套電影，在謝幕期間，我留步。

果然在謝幕數十秒後，就有片尾睇，都值得睇架。

因為片尾有位女生在這裡出場，而且內容有關杜汶澤的動作場面，幾好笑的，記得留步啊~~~

提示 : 散場時，在我們前面有一對情女，他們對這電影表示極之不滿，好後侮選了這套電影。

整體表現唔錯，由於D笑位都好散下，笑完就唔記得，所以出碟時會再睇多次，

問到點解唔入戲院睇多次呢個問題，因為又未至於好睇到要再入場睇多次，要睇都睇其他電影吧。

睇完呢套戲，我打算見到每一位我識的女生，都請佢食爆炸糖，因為片中 DaDa的名字叫做爆炸糖囉。

話時話，襯未有咁多人睇過呢套戲，買定幾包先，

免得通晒天先去買，就會被人誤會我買來的真正用途。哈哈哈~~~~~~~~

粗口爛舌係呢套戲的常用語，所以係三級一點都唔出奇。

呢套戲都好多人演出，集合杜汶澤、鄭中基、陳靜(Dada)、雷宇揚、

鄭丹瑞、邵音音、葉山-豪、鄒凱光、詹瑞文、田蕊妮、薛凱琪、楊千嬅等........

每人分擔一點，悶的機會就自然少好多，事實有某D場口就真係唔好笑，但一套戲咁長，總無可能由頭笑到尾掛。

除了鄭中基外 ( 個人偏見 )，個個我都滿意他們的表現，我個人覺得林雪與鄭中基兩個角色對調我會睇開心D囉。

Dada在片中居然有一場突點，而且仲素顏.............

不過印像難忘係呢幕，唔係有什麼露點，係劇情講到DaDa好 Cheap咁，

如果爸爸見到自己個女演呢D戲，一定會唔好過，尤其要面對自己的親友和同事。

但以該角色來講，DaDa又事實上演到那個味道出來。

片中多次提到昔日的邵音音好索，可能今時今日的標準，大家並不相同的關係，

圖中的邵音音當然不是醜，只是正常的一位女生樣子，我.....真係唔覺得談得上索啊。

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。