Parrot Zik 評價
發佈日期 : 2012年 8月29日 圖 / 文 : 巴斯
|
|
由名設計師 Philippe Starck 設計的 Parrot Zik 藍芽無線耳機,單係個盒都靚仔過人。
她的強項在早前發表,由 Viian 親身示範的影片,相信大家都對這款耳機有初步了解。
有源式降噪功能,對應 NFC,可替換電池,手勢操控,音色調校 app...........一一都是她的賣點。
|
|
|
|
包裝盒背面都一樣咁靚仔。
除了有耳機的分解圖,還有看圖識字的簡單操作介紹。
|
|
Viian親身配合今次示範。
|
|
Philippe Starck 設計,連掛頸位置都一樣咁精美同靚仔。
![]() |
![]() |
|
|
|
|
NFC
這款耳機,其中一個強項,就係 NFC ( near field communication ),乜野係 NFC ?
仲記得早前鬧過一輪的 八達通餘額閱讀器 嗎? 呢......把自己張八達通卡,向住部有 NFC 功能手機拍卡,
手機就會顯示該張八達通餘額呢,咁你記得喇掛,當中咪就係用了 NFC 技術囉。
早前日本 Panasonic 宣佈,她們在日本發售的新款家居電器產品,會使用 NFC 技術,
用家只要把有 NFC 功能手機放近該電器產品,手機就能操作該電器產品了。
不過暫時,只係在日本自己本土發售的家庭電器,先可享有呢個功能,海外的型號,暫不生產。
![]() |
|
|
如果用家現在手上所用的手機,擁有 NFC 功能的話,咁就唔需要用藍芽來與這款耳機配對,
因為呢款耳機,殖入了這個NFC功能在內了。
手機和耳機,兩者互貼一下,咁就配對好了,係咪好方便呢?
但我部 Note 無呢個功能,所以無得玩。
|
|
調聲 app
Parrot Zik 另一強項,係配合免費的調聲 app,把音效提升。
呢個官方所提供的免費 app ,iOS 或 Android 版本都同時擁有。
|
|
千萬唔好誤會,以為呢個 app 係調訊源啊~~~~無論用家係安裝 iOS 或Android ,推操作介面內每一個動作,都係調校耳機內部的晶片設定,
純改變耳機的聲音,而絕對不是把訊源修改,呢個app,只係借助智能手機或平版電腦來推動晶片內的設定。
用家安裝好呢個app 之後,就可以進行聲音調校設定,圖中所見是用 iPad 來調校的介面。
|
|
用家只要戴著這耳機,在播放歌曲時,
手動去調校介面上的聲場或空間管理,來達到自己喜好的音色。
![]() |
![]() |
|
|
Android 手機版的介面就會係如下圖所見。
![]() |
![]() |
![]() |
![]() |
|
|
除音場調校外,這有六款預設的 EQ 給用家一步到位地使用。
如還未能達到個人口味要求的話,可自行調校一款屬於個人口味的設定也是可以的。
![]() |
![]() |
|
|
手勢操控
這款無線耳機,無論是調校大細聲,或轉歌曲,都是無需用訊源來操作。
用家只要用手指在耳機表面上輕掃,就可以得到效果了,相信大家在早前發表的 Viian 示範片段內,對這操作有所了解吧。
|
|
感應器
在圖中這個位置,有一個感應器存放著,這個感應器如果一離開耳仔的話,佢就會立即暫停發聲,當用家再次把耳機貼著耳仔,
歌曲就會自動再一次出現在用家耳裡了,非常之方便啊~~~
|
|
以下再以圖解多一次給大家,留意一脫下耳機,就做到暫停,係咪好利害呢?
|
|
降噪功能
這款耳機提供降噪功能,當這功能開啟後,就會產生對擴噪音效果,變相使隔音效果好一點。
|
|
在官方所提的app,有提到降噪功能,
透過這堆字,可對這功能有進一步的了解。
當然用家可以選擇開或關這個功能,而並非強迫使用,需知道有得用唔用,同想用無得用,係兩回事。
|
|
來電
平日出街,一定聽歌仔吧,當有來電時..........
|
|
只要如圖所見,像Viian 一樣,當見到來電時,本來播放中的音樂,就會被淡出,而被聆聲所佔用,
這時用家只要用手指篤一篤個耳機側邊,咁就可以進行接聽。
收線後音樂又會再一次淡入在耳中。
|
|
下圖有更詳盡的介紹。
|
|
專用替換電池
話得係藍芽無線耳機,咁一定係要用電架啦。
跟機來送一顆 800mAh的專用電池,大約可用 5 個小時上下,用家如果覺得唔夠用的話,可另購多一顆作後備之用。
如圖所見,這個蓋是屬於磁石設計,用家只要用力一點,就可以無需任何工具幫助下,把蓋打開來替換專用電池。
|
|
電池耗盡
萬一真係咁唔好彩,在街上耗盡手上電池,由係專用電,睇怕都無可能在7仔買到掛,咁點算好呢?
放心,用家依然可以利用普通 3.5mm 耳機線來接駁使用。
只不過因為無電用的關係,耳機的Amp就無法用到有源部份,在音色上就打了節扣,而且還要接受有線所帶來的不便,
但無法子啦,鬼叫無電用咩,忍耐一下吧,比著普通藍芽耳機無電,她們早宣佈收工架喇。
![]() |
![]() |
|
|
|
|
接上 3.5mm 耳機線後,仲可以用得,一個字 :
強
|
|
個人評價
以藍芽喇叭來講,無論是外型或聲效,我都覺得滿意,
低頻表現,也是同級產品之中我能接受的程度,加上外型真係幾靚仔,起碼帶佢出街,唔會影衰自己,
何潠還有上述咁多功能,仲可以接埋電話, 港幣 $3399 無投訴啊~~
|
|
重溫 Viian 親身介紹這款耳機的各強項 :
Video
以上我所講的內容,唔好盡信,要自己親身體驗過,咪人講乜你就信乜,
大家有空或有興趣,可到旺角聲耀全音試聽,店內有陳列品任試,老闆好好人,
絕對可以試完唔買都一樣咁開心 ( 其實上開去的人都知 )。
在附近約左人未夠鐘,直頭可以上去試用打發時間架。
如果試完唔買,老闆面黑的話講我知。
|
|
聲耀全音
香港旺角西洋菜南街1A百寶利中心1405室
Tel: 3188 1720
![]() |
![]() |
![]() |
![]() |
|
|
各師兄與朋友,這篇文章,如非商業用途,歡迎轉貼再轉貼,如需借圖片使用,
請自便,但敬請不要抹去圖中的 avbuzz.com簽名字樣,感激感激再感激。
◆ avbuzz.com精神,人人毒我,我毒人人 ◆
謝謝收看這篇文章,你是第 個收看這篇文章的讀者。