藍芽喇叭

發佈日期 : 2012年 8月3日    圖 / 文 : 巴斯

早兩日收到這份禮物，多謝晒。

今時今日買禮物送比人真係好頭痛，社會進步，很多人都好容易得到自己喜歡的物品，

靠人送先有就慘喇，不過太名貴的話，人家又唔會送呢。

可能我成日把CAS掛在口邊，所以送禮物給我的朋友，都比較容易捉到路，多謝晒呀你中了!!!!

圖中所見的是由朋友所送的一對藍芽喇叭 。

播歌睇片

藍芽喇叭就是用來取代原有在手機或平版電腦的內置喇叭。

無論係睇片，或者聽歌仔都會得到更好的音質。

來電

和一般藍芽喇叭一樣，當聽聽下歌仔時，萬一有來電的話，喇叭就會唔出聲，手機會跳回正常接聽模式。

用家無需理會如何去切換，只需如常接聽來電就可以了，而過程中，喇叭係唔會把交談內容播出的。

當然，你可能會話，咁咪唔可以用來做免提囉? ..........這個可以咁講的。

閃燈

這款藍芽喇叭，運作時係有燈閃動架，放心，唔會閃得到密啊，一定唔會閃到發羊吊的 ^_^。

晚上或在陰暗的境下播歌，都算係可以叫有氣氛的。

圖中所見的是操作鍵，大細聲音調校和開關。

磁石

喇叭背面有磁石，除了喇叭可以互攝，作為運送之用，還可以攝在金屬表面上。

哈~~我把她攝在雪柜上，每次煮麵時就可以聽歌，又或者收聽可能就快無得聽的電台節目。

一對喇叭都係有燈的，無論係未連接好，還是接上了，

都有不同的閃動作為顯示。

預設的藍芽名稱係叫做 X5 ，用家唔喜歡，可以作出修改。

開箱圖時間

附上充電用的USB接口。

個人評價

人家送的禮物，好難開口問幾錢買，好似唔尊重，所以我都唔知幾錢。

唔緊要啦，又唔係產品介紹，禮物係心意嘛，當然這款喇叭，在音色上，唔可以和 FoxL 作比較，

但一般市民，用普通藍芽喇叭，都會覺得好有新鮮感，

尤其如果自己的私家車上的音響，係無藍芽的話，這類藍芽喇叭就可以幫得到手。

需知道我們現在手機上的歌真係唔少的，如果可以在車上作流動播放的話，係幾咁開心呢? 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。