Canon 6D

Canon 6D

發佈日期 : 2012年 9月20日圖 / 文 : 巴斯

精彩的廣告

Video

　以世界遺產屋久島做主題，話就話用 Canon 6D相機和 Canon 不同鏡頭所拍攝，

但在後段製作特輯中，所見到的是攝制隊的功勞，與是否用 6D拍攝都無所謂。

片段中只有一小段是攝影師徒手拿著相機拍攝，其他一律落三腳架或上晒路軌拍攝，

試問如果人人帶相機，都帶埋三腳架或穩定架，什至路軌一起使用，張張相ISO 100得啦，要咁高 ISO 來做什麼?

高ISO咪就係為我呢D唔帶腳架的人而設囉，不過唔帶唔代表無買播，我呢類人有買三腳架，

當人家問邊款三腳架好，我就好似機關槍咁講一大堆又炭纖，又雲台，又波頭，又乜又物，連快拆都講一大堆理論出來凶人.......

但問點解影D相會咁震，我只會答係怕麻煩而無帶腳架，我有買腳架，只不過放屋企供奉之嘛，

費事比人話有錢買相機，無錢買腳架啦，係咪?

如果好似攝製隊，影每張相都落路軌或者三腳架去拍攝的話，好多機都做到呢個效果，咁.......關 6D乜事呢?

咁梗係水晶膠加雙氧水啦，唔係我鳥到個字出來? 呢D野一早知架啦!!!!

　所以呢個廣告對我來講，笨唔係 6D 廣告，而係叫人用腳架影相的廣告，只要用腳架，就可以拍到咁出色的效果出來。

咪以為比錢買部 6D 就影到呢D質素出來，不過，今時今日相機對好似我呢類路人甲來講，

消費品來吧，到期咪換季囉，唔通用過世咩? 部機唔壞，自己都睇厭，就算自己唔厭，都比人話對部相機長情吧。

廣告拍得好就去買，你同我講技術，講比我知都唔明，影張相遮，識果個唔理個廣告啦。　

呢部EOS 6D屬於2020萬像素全片幅單鏡反光機，其中一個強項係........內置無線傳輸功能，

拿你睇睇以下呢張圖，就明白晒係，日文唔明? 唔緊要，依家D人都唔睇字，就算中文都唔會去睇，圖像化就明白。

即係話用部 6D 影的相，可以透過無線傳輸方式，去到指定的其他裝置，

例如智能手機或平板電腦之類的器材，咁去到那邊，自然就可以有多種不同的出口，再轉發相片到第三方，

咁以後就可以用呢部單鏡反光機影完的大光圍淺景深靚相，

立即透過智能手機發出去 Facebook 又得， Line又得，Whatsapp又得，得左!!!　

一直以來我都好唔明，點解要另外買個搖控器，帶多一件野唔在講，次次用咩? 唔係次次用，但要次次帶，

保証係白白帶出去無用多，但唔帶，萬一要用起上來又無得用，點解唔用相機時間掣呢?

今次推出智能手機版就正啦，唔通會唔記得帶智能手機咩，

唔記得帶記憶卡就會，今時今日，點會唔記得帶手機架?

你睇，用呢個搖控影完，仲可以唔需走埋去部相機睇，就咁用返架智能手機個屏幕睇，

唔得咪影到得為止，唔需要走來走去?

合用咪即時發出去 Facebook 又得， Line又得，Whatsapp又得，得左!!!

~~~係咪好開心呢?

呢部機，日本官方網頁有好細張的Sample相睇，有興趣可以去望望。

夢就發完喇~~~睇下新聞稿，作進一步了解。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆ avbuzz.com精神，人人毒我，我毒人人 ◆

　謝謝收看這篇文章，你是第個收看這篇文章的讀者。