0.5的突破
發佈日期 : 2012年 9月12日 圖 / 文 : 巴斯
|
|
|
apple Store 為配合昨晚發佈會，在舉行前幾個小時，休息一下............
iPhone 5打破傳統，新機以雙色設計現身大家面前，
屏幕由 3.5 吋 激增至 4吋，足足增大了 0.5吋 ，即係加大了 13%，
以一個得 3.5 吋的屏幕來講，能加大 13%，係一件驚天地泣鬼神的技術啊。
今日，你真係做到喇，真係可以做到一個自己公司最大的一個手機屏幕喇!!!
突然想起城城金句，不求與人相比，只求超越自己，太感動喇!!!
而且拉長了的屏幕，畫面還比之前睇多一行app，留意!!!!!係足足一行的能見畫面，真係唔簡單!!!!
正所謂屏幕一小步，人類一大步，教主可以暝目了。
香港有幸成為9月21日正式發售的九個國家城市當中，屬於第一輪發售地區。
咁突破性的設計手機，一定要買來.............
 |
|
|
|
老闆!!!我上星期口頭協議，依家可以落實了，唔該訂一部白色 Note II 丫唔該，我下午過戶訂金給你，
唔介意一次過比晒整部機的錢，只想第一時間得手，謝謝。
|
|
|
Lightning
接口放棄了一直原用的 30Pin，改用名為 Lightning的新接頭，雖然會用轉換頭來解決舊機兼容過渡期問題，
但在店鋪正發售當中的舊款 30 Pin Dock 貨主就慘喇~~~~
例如好似呢款設計，加了轉換頭的話........咁.........你幻想到個樣會點嗎?
貨主一係賤賣，一係回廠加工後再賣。
放心，用家自己只要一世唔換手機，家中的舊款器材與舊款手機同在的話，係完全無任何影響。
轉換頭又唔係貴，家中每一個裝置都買一個，咁就解決晒兼容問題架喇。
貴?
5，6千銀買部手機，兩百幾蚊一個轉換頭都話貴? 唔係有錢買機，無錢買轉換頭下嘛?
用得返舊機喎，仲唔抵呀? 比錢啦。
|
|
|
NFC
發報會內無提到新機有 NFC 功能，正呀!!!!咁咪無得用幻想出來的電子錢包囉，連呢款有 NFC 功能的耳機都用唔上喇喎~~
不過 Note II 就宣佈了用上 NFC 功能囉，有得用唔用，同想用無得用，係兩回事呀。
拿，Apple呢D咪叫型囉，你話用就用呀? 唔係你帶住Apple走，係Apple帶住你走。
|
|
|
Apple EarPods
新款耳機屬於入耳式設計~~~幾靚仔，呢個有點興趣，唔知實物係點架呢?
我明白呢款只係作手機之用的耳機，但 Note I 跟來的耳機聲效都好合我個人口味，
我喜歡她聽歌仔時的表現，所以想了解一下Apple EarPods 的效果如何。
Apple EarPods 係跟 iPhone 5來的，不過就算舊 iPhone 用家，我覺得都應該了解一下，
因為舊款原廠耳機唔屬於入耳式，漏聲情況影響音色。
街上使用時的人生安全問題 ? 得喇~~得喇~~~無事發生，當我無講過。
官方網頁上提到呢隻耳機的一個重點好吸引我，我用紅色顯示出來丫。
加上佢話有更強大的防汗及防水功能，好想去了解下呀~~~
不過......佢唔係用軟膠，咁唔合耳孔大小的話咁咪...........
特色重點
由 Apple 設計
更沉厚雄渾的低音
更強大的防汗及防水功能
控制音樂及影片播放
可接聽與掛斷電話
概觀
有別於傳統的圓形耳塞，Apple EarPods 的設計以耳朵的立體線條為本，讓它們對更多人來說，都比任何其他入耳式耳機更舒適。
Apple EarPods 的內置揚聲器可減少失真和把聲音輸出提至最高。讓你盡享可媲美更高檔耳筒的完美音質。
配備遙控及麥克風的 Apple EarPods ，內置按下電線即可自由調整音量、控制音樂及影片回播，以及接聽與掛斷電話的遙控。
Apple EarPods 只是 iPhone 5 更佳音色體驗的開始。
iPhone 5 特有三個麥克風：分別在前、後和底部。
前後麥克風互相配合以達至波束形成，這項技術能令 iPhone 專注於來自所想位置的聲音，從而有更清晰的音質。
全新消除雜音技術能減少環境噪音，因此當你在嘈雜的房間中把 iPhone 靠近耳朵時，
你聽到的只會是至關重要的聲音：對方的說話。
|
|
|
相機鏡頭
自 iPhone 4之後，我自己就好滿意她的表現，4S就更加分添。
今次 8 百萬像素 iSight f/2.4光圈鏡頭，我並不會因為她無超越1000萬像素而失望，
我一向著重她的鏡頭質素，我要求比較低，只要保持像 4S 一樣的成像質素就滿意了。
圖為用 iPhone 4 在這個惡劣還境下拍攝到這個質素，以手機來講，真係收晒貨。
|
|
|
相機支援全景拍攝
手機有全景拍攝啊!!!!你咁大個人，試過用手機全景拍攝嗎?
試問以一個山區小朋友來講，手機能夠擁有全景拍攝係咪一個不可思議的功能呢?
不過.......呢個功能4S唔係早擁有喇咩?點解仲講多一次呢?
|
|
|
iTunes 11
好期待新介面設計，剛剛我更新過，但未有，希望快點有啦，有新鮮感嘛。
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。