My Note II  賣 Note I 

發佈日期 : 2012年 9月30日    圖 / 文 : 巴斯

市場學裡提到 ( Planned Obsolescence 計劃過時 ) ，意思是產品推出前，

廠商早就準備用到某一些日子，該產品就會自動損壞，所以不要和自己手上的產品談戀愛，尤其電子產品。

你相信嗎? 我不信 Samsung 會咁做，

但唔重要，因為我是喪用手機的，Note I 由我接佢返來之後，是分分，秒秒地不分日夜地用，

她沒有一日休息過，晚上也不會關機，試問我又點可能會覺得這機長壽呢?

當 NoteII 有消息在香港推出，我就開始去店鋪打聽，打算落訂，我唔介意附全數作為訂金，但最緊要第一時間擁有。

但無奈我信得過的店鋪，一一都說電腦內未有顯示出該貨品，無法開單收訂，唯有等吧。

直到一星期前，店員說，終於接受訂購了，放下$1400訂金，回家等消息。

其實由一知道香港會發售 Note II 開始，我就好想送走舊Note了，第一時間找回原裝盒出來，方便放售先得。

早前先附訂金，9月27日下午，接到電話通知，9月28日早上開始，可以到店鋪取貨。

好開心呀~~剛出席完發佈會，第二日就有新Note玩，之前的體驗會保安工作做得很出色，使我無心戀戰，現在可以接返屋企寵幸了。

跟機原本會有一個原裝機套免費跟來，但要10月先有貨交，不過對我無任何影響，因為我最憎用機套，送比我都只會放在床下底。

有機即日取都開心死啦，無期望有贈品了吧，但店鋪也免費送上保護貼一張。

嘩~~~~~好靚呀~~~~ （張貼紙 )，幾靚都要撕下來啦，否則如何貼上保護貼呢?

店員好細心，而且熟手地幫我貼上這塊送贈的保護貼。

舊Note上的聯絡人資料，雖然只是用藍芽方式，就可以過戶，

但店員都為我做，很貼心，感謝，感謝。

需時一分鐘內，店員就把 Note I 的聯絡人資料，全數過戶到 Note II ，一個都不能小呀~~

落訂當日，講明唔要強迫額外購買垃圾物品，我講明只願意附出 Samsung 發出的零售價購買，所以我先落訂。

這日是以 $5698出售給我，也沒有附帶條件。

返到屋企，當然係影返輯開箱圖啦~~雖然在店鋪打開過，

但自己開一次會開心好多嘛。

兩代來個盒照先~~~

包裝盒與上一代同樣是擁有兩層設計，

上層放機，下層放附件。

附件包括有以下物品。

千萬唔好睇小呢款跟來的耳機，由上一代開始，我有試用過她，這款入耳式耳機靚聲架。

留意附來大小不同的耳膠，緊貼耳孔是使用入耳式耳機的要門，錯用不適合自己耳孔大小的耳膠，大大影響音色，尤其低頻。

上述的道理，所有發燒友都知道，如果你是普市民的話，請緊記這點。

由於我不習慣用有線耳機，所以我先不用她吧。

圖右，也跟來負責過 電腦 / 充電 的 USB線。

跟機也附上香港合法接口的三腳插，這是USB接口充電火牛，

可分體，方便旅痕時收藏。

留意用家不一定使用這個火牛來充電，只要取代她的火牛有 5V ( 2.0A ) ，

就可以同樣用最快的速度去充飽電池。

Note II 跟來的電池容量比第一代更大，由 Note I 的 2500mAh 增大到現在 Note II 的  3100mAh。

留意並不只是容量大了咁簡單，就連體積也大了，所以 Note II 的電池，是無法與第一代的電池互相交換用。

咁即係我雖然有三塊 2500mAh電池，也要無奈地為 Note II 再買過新電池。

跟機雖然有一塊電，但點可能夠我一日使用，但店員話暫時未有作獨立發售的 3100 mAh。

天啊~~~~咁點算呀? 正廠都未出、咁副廠就更無可能有啦，

新機到手蜜月期!!!!!一塊電點可能夠用呀!!!!

好彩早前購入了 Magic Pro 的 4000 mAh 流動充電器，唉......唯有暫時用呢個方式頂位先啦。

真係慘呀~~~快出電池啦~~~~~激死人!!!!!

兩機來一個合照，圖中左手邊是Note I ，右手邊是Note II 。

機身因為由 16:10 轉成為 16:9 ，雖然新機屏幕大了，反而因為窄身了而手感握得更好，四隻角的弧度大了。

鏡頭的外觀也有少少的樣子改變，背蓋邊位也有少少改動。

3.5MM標準耳機插口也有位置上的差別，Note II 的插口歸邊。

另外兩側的按鍵也有少少出入。

Note II 的開機鍵改動得比前作多，不但細粒很多，而且放落得多一點，我猜是方便母指比較短的用家。

Note 的靈魂 S Pen 也有所不同，

Note I 的筆身是圓形身，但 Note II是方形身，不但長度增長了，而且比前作還要粗身。

而且新款的筆頭是受壓而伸縮的。

由於 S Pen 對 Note II 的重要性咁大，唔想遺失的話，就要開啟離筆提示了。

開啟後， S Pen 離開機身某一個範圍，機身會震動，而且屏幕會出現圖中所見的字句來提醒，係咪好貼心的設計呢?

圖為 Note II 的背面，可見到插 Sim 卡 和 Miro SD 卡的位置。

天呀~~~~~~咁大 Note 呀 ? 點解無人講我知，Note II 是用細卡架!!!!!!

擺到明係遷就唉瘋叛教過來的叛徒用啦。但係我用開的Note I係大卡來架嘛!!!好彩唔係半夜三更先發現，否則當晚一定失眠囉。

大卡入唔到呀~~~~~

去門市搞? 今日係星期六呀，仲係 iPhone 5 和 Note II 的上台日高峰期，依家撲入去，死硬啦。~~~

不過呢張相係影下個氣氛架遮，大卡轉細卡，如果電訊商就會換過一張全新的細卡給用戶，

某些電訊商，如果顧客在過去一年，曾經換過卡的話，呢次就要收 $100-$150 的手續費，

但有些電訊商是免費的，所以問清楚收費先好。

而且新卡並不可以即時使用，要等工作人員安排比卡接通，他們都提意要花大約一個小時上下，先能把卡開通。

我只係由大卡轉細卡，我唔無咁多時間去排隊搞喇，去鋪頭仔用 $10 ，把現手的大卡，用2-3秒的時間，把張卡改成細卡，即到用得返。

變成細卡之後，就可以放入去了。

Note I 用開的 32GB   micro SD 卡，就咁插返來 NoteII 身上用。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。