NFC 功能

發佈日期 : 2012年 10月15日    圖 / 文 : 巴斯

  Note II  其中一個賣點，就是有電子銀包的 NFC 功能 ，但香港一早被八達通所佔領，

我可以好肯定，電子銀包在香港是不能成事，所有集體運輸，食店，便利店........一一有他們的機器，

由小朋友到老人家，就算訪港旅客，都一人最少一張八達通卡，要在這個環境之下搶八達通的市場? 

嘿嘿.......你要死，唔通唔比你死咩。

在我眼中，NFC就只可以用來接駁一下電子產品的功能吧。

早前手上還未有NFC功能的古懂手機，當日沒有試到如何用NFC功能去接駁 Parrot Zik 藍芽無線耳機。

今日終於有這部手機，可以一試用NFC功能，是如何的方便了。

來到旺角聲耀全音試用，接駁方法第一步是先要把 Note II 內裡的 NFC 功能開啟，

由於  NFC 的全名是 ( Near Field Communication ) 講到明係近距離，咁就等同我們平日拍八達卡的距離一樣。

所以就把手機，直接放在耳機上，咁就如圖所見，手機會問用家，是否為耳機配對。

用家只要按是，就可以了。

只要手機如左圖，在手機設定內，把NFC設定開啟，就可以進行首次和附有NFC功能的耳機配對了。

只要把手機放近附有NFC功能的耳機後，手機就會出現右圖的顯示。

就係咁簡單，她倆就配對好了，

當中無需用家去找附近有多少個藍芽裝置，無需問耳機是什麼型號，更加無需問藍芽配對密碼。

如圖所見的就是配對好的顯示，如果心急用的話，連呢頁都可以唔睇，呢頁係我為了証實她倆配對好，而作為影相之用。

基本上呢個時候，手機播歌，無線藍芽耳機就有聲架喇。

配對後 Parrot Zik 會自動佔用了原本一直用開的 Sony MW600耳機。

而且透過右圖所見， Parrot Zik 是聽歌和接電話的功能同時運作。

個人評價

睇完以上 NFC 功能接駁後，清楚了解到NFC只是扮演著配對藍芽耳機的工作，

對好像我呢類乜都唔識的人來講，唔知耳機型號，唔知如何找尋近的藍芽裝置，更加唔知如果要問藍芽配對密碼是預設( 四個零 ) ........

咁多唔知的用家，NFC真的是可以幫到我好多，不過首要條件，也是要我懂得開啟手機內的NFC功能，否則都係得物無所用。

但就算有人話比我知要開啟手機內的NFC功能，都係無用，

因為我都唔知手機內的NFC功能，係在那一頁? 係在設定內的聲音選項? 還是應用程式?定是音樂播放? 

搞了大半天都可以找不到開啟NFC功能在那一頁吧。

睇完以上內容，相信 iPhone用家，無需為沒有NFC功能而失望，因為電子銀包在香港前景不樂觀，

只能用作配對藍芽裝置， NFC 只是簡化配對藍芽的程序，以較自動化的方式為用家配對，

只要大家懂得用人手配對的話，同樣可以不靠NCF而配對到，

何況配對又唔係一日配三次，人手配對的話，對大家來講，又有幾難呢?

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。