|
NuForce HP-800 發佈日期 : 2013年 1月3日 圖 / 文 : 巴斯
一直以來我都不明白，點解咁多人會唔怕麻煩用耳罩式耳機，我以為他們只是覺得有型，所以先會用咁大個耳機， 朋友講我知，原來係因為他們的耳孔比較細，無法塞進入耳式耳機到耳道上，今日我終於明白了。 不錯，我第一次戴入耳式耳機時，真的很不舒服，但經過兩三次之後，就無法抗拒，自始之後，就一直用入耳式耳機了。
喜歡流行曲的我，一般耳罩式耳機的低頻都無法滿足我，聽過部份幾千元，甚至萬元級的耳機， 他們的低頻表現，都不能達到我個人口味的低頻，有些根本接近無低頻，真係唔明點解賣咁貴，莫講話買，送比我都唔要。 另一些的低頻又過多，完全無高音，一未胡胡聲，售價員仲話最好賣添，真係莫明其妙。 假期前聽過 NuForce 的新款 HP- 800 ，呢款的低頻，終於可以滿足到我，所以專程借來陪我過這個長假期。
留意到 HP- 800 的耳機線是可替換的嗎? 跟機來的耳機線，長達兩米 ( 仲高過小儀，志偉或者我 ) ，即係把部機放在地下， 個人企高條線都夠長。
而且線身外觀，絕對唔會失禮人，更何況因為耳機線可以替換，用家可以替換自己喜歡更高質素線材， 就連線身長度，都可因個人喜好而自己購買成品或DIY，非常靈活。 原廠線頭提供細頭轉大頭的接口。
Run-in 提示 運動員比賽前要做熱身運動，耳機當然都要，只不過耳機做一次就足夠咁解。 做熱身運動絕對唔代表可取得冠軍，但做了熱身運動先可以發揮到最佳水準，所以新買返來的耳機，必需 Run-in 。 用上國仁和紅色小人推介的這張碟來進行 Run-in，能用最短的時間，得到最佳的 Run-in 效果，一日就可以達標，好用。
點解要 Run-in ? 可到以下網址得到重溫的機會。
耳罩式耳機當然無可能輕得過入耳式耳機，但 HP- 800 的重量，用耳罩式耳機來作比較，我還可接受的。 幸好這個星期都是比較冷的關係，用耳罩式耳機都不會覺得不舒服，但夏天就難講了。 用家因為先天理由用不到入耳式耳機，那就無法子吧。
HP- 800那個有彈力的低頻，沒有蓋過中高音是我之所以咁滿意她表現的最大賣點。 而且這個耳機極易推，手機和平版電腦難佢唔到，加耳擴先聽得的耳機唔好預我。 唔好只聽我個人口味評價，一定要親身自己去証實究竟售價 $1280港元的 NuForce HP- 800 係咪我所講到咁好， 旺角聲耀全音陳列室，提供產品任試任用，有空可到該店作進一步了解。
聲耀全音 香港旺角西洋菜南街1A百寶利中心1405室
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。
|
