|
Li Lam的影音器材 發佈日期 : 2013年 1月20日 文 : 巴斯
近日 Li Lam進行了兩款影音器材更新， 第一件係圖中所見 Sony SRS-BTV5 ( 無線蛋仔喇叭 ) ，暫時香港未見有行貨發售。 精通日語的 Li Lam，靠日本朋友代購，然後帶來香港給她，節省了運費， 只需給原價 7980円 就可以得到喇~~所以話出外靠朋友，咪就係咁解囉 ^_^ 真幸福。 考下你，圖中五隻色，你估 Li Lam 喜歡什麼顏色丫拿。
答案開估喇~~~~就係挑紅色喇~~~ 送埋一個透聲孔索袋，咁就可以掛在手袋外邊，帶著四圍去啦， Li Lam喜歡在化粧師幫她化粧時，又或者影相時想加添氣氛用，效果好正。
你睇下圖就可以好清楚了解 Sony SRS-BTV5 的重要功能喇~~~
唔好睇佢蛋仔細細， 她其實擁有360度無死角環繞音效功能，對一般小市民來講，夠晒滿足感吧。
呢隻蛋還有NFC功能，心水清的朋友一定會問 Li Lam的 iPhone 5有NFC功能咩 ? 如果你了解 NFC 功能是什麼，應該知道只是方便第一次配對藍芽之用，其實真係可有可無的功能吧。 藍芽配對，對 Li Lam來講，零難度，洗鬼 NFC 幫手咩，要靠NFC先配對到，果個就唔係 Li Lam啦。
隻蛋使用時有燈，藍芽功能嘛~~~聽歌期間當然包括埋淡入淡出接聽手機，，加上有Mic，免提功能就更加一定有~~~ 係 Li Lam外出工作必帶解悶玩具啊~~
第二件 聖誕節期間購入新款 iMac 21.5，Li Lam唯一不滿是內置喇叭，呢日她終於無法忍受，花了 $2200購入 Bose Companion 20 作為電腦喇叭之用。 當然，如果你是一線發燒友，這喇叭一定睇唔上眼，但對於好似我呢類路人甲乙丙來講， $2200 購入一對電腦喇叭就好富貴喇。 一般女生只會花 $2200 買護膚品，時裝，首飾...........排到一百名外，都未必會輪到電腦喇叭， 但 Li Lam就是對這方面有興趣和要求，的確唔係普通美女咁簡單啊~~~
專利技術 呢款 7 cm 喇叭單元，音箱除了防磁，還擁有 TrueSpace 立體聲數位處理系統， 也用上了音頻導氣管專利設計，Li Lam好喜歡用來聽歌，今後再唔需要忍受 iMac 內置喇叭的無味聲音了。 跟機還附上圓形的 Control Pod 控制器，她的表面是以熱感方式開關喇叭，型到爆。 還在正面提供兩個音源輸入接口， Li Lam可接上耳機和 iPad 之用， 呢個設計係好方便 Li Lam唔需要走到後面去接上 iPhone 5 或 iPad呢。
Li Lam 用 ( 生物股長 いきものがかり ） 來開聲，雖然未煲這對喇叭，Li Lam 就好明顯聽到跟 iMac 內置喇叭效果差好遠呢。 唔知點解，聽到 Li Lam好開心咁講有關影音故事，我比她更開心啊~~~
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。
|
