|
好吸引的 Pantech Vega No.6 發佈日期 : 2013年 3月16日 文 : 巴斯
近日手機最紅一定是 Sony Xperia Z，原來有部韓國 Pantech Vega No.6 手機， 居然係可以同佢比美，而且有某部份，仲強過市面上的智能手機。 睇完以下片段，你就知呢部機有幾勁，我睇完真係有點心動。
當市面上連呀禪都用 Note ，自己當然唔想用埋同一款機吧，加上見慣圓角機，好想用下方角機。 Sony Xperia Z 話就話有三隻色，其實選邊隻色，個面都係黑色，咁即係只可以選黑色，部機先會係純一個色啦，喜歡白色機身的我，當然唔係好開心吧。 但係 Pantech Vega No.6 就唔同，在片段中見到，她真係全白架，好靚仔。 我未見過實物，但透過圖中所見，可幻想到實物唔係好大，但應該唔可以好似 Note 咁放到褲袋喇。
Pantech Vega No.6 有黑白兩色選擇，就咁睇，好明顯白色最搶鏡。 部機屬於 Android 4.1 Jelly Bean，有 5.9" IPS LCD 屏幕， Snapdragon S4 Pro 四核處理器， 2GB RAM，1,300 萬像素相機鏡頭。 背面弧弧地，厚度大約 9.9mm ，厚過 7.9 mm 的 S4 和 Sony Xperia Z。
全高清屏幕 片段裡用三款機來做比較，內容好搞笑，但又真係講出了 Vega No.6 的強項 ， 好明顯見到係睇住對手來打，5.9" 的畫面，結合了手機與 Tablet 於一身。 就好似片段裡另外兩款機屬於 HD機，但 Vega No.6 先係真正 1920X1080 全高清屏幕，這點就能與 Sony Xperia Z 體齊了。
自動橫直轉動 講到畫面自動橫直轉動，係機都得架啦，但係 Vega No.6 就連主頁都能夠橫向轉動。 咁就使到對手即時收聲喇喂~~
Keyboard一分為 另外打字方面，與 iOS 一樣，可以把Keyboard一分為二咁使用。
Pop-up Windows 三叔的 Pop-up Windows 最多咪同時兩個畫面， 但片段裡可以見多個 Pop-up Windows 同時運作，發揮出 5.9" 的強項。
想睇下開出多個 Pop-up Windows 的實況， 可以Click以下的播放器睇睇效果，我就好滿意喇，你覺得呢?
V-Touch 另外片段裡也提到，用家只需單手， 就可以操控到手機畫面的上一頁和下一頁的動作。
原來機背這個位置有一個名為 V-Touch 觸控版， 用家只要把手指放在上面，有點像用上了 touchpads 的功能，所以單手也能操作到畫面上下。
而這個 V-Touch 觸控版，在自拍時，也同樣能成為 Shutter 鍵。
相機功能 與Sony Xperia Z 同樣擁有 1300萬像素鏡頭，那些最佳照片功能一定有架啦， 不過唔知成像質素係點遮。
片段裡也有提到三叔的一拍即過檔的功能， Pantech Vega No.6 都有。
而且可以用另一部手機來搖控自拍添。
能源 能源方面，當然可以換電啦，電池容量為 3140mAh ，5.9" Mon 喎， 無返咁上下容量，點搞呀~~~不過唔知食唔食電呢?
行貨 香港行貨有售喇~~~ $6000找返 $20 。 以上種種的推介，都深深咁吸引我，但我怕到手後，唔係我幻想出來咁就慘喇， 仲有佢的 Android 4.1 Jelly Bean 更新率有幾耐呢? 會唔會好耐都唔升級呢? 可對應 1080P 的 app 又是否夠用呢? 如果唔夠的話下下縮細晒咁點算? 我估呢部機的二手市場價一定好差，到時唔喜歡要賣返出去，都唔知點。 其實...............我咁講都係多餘，幾千蚊部電話，依家D人試都唔試， 連實物都未見過就買，我在這裡又擔心呢樣，又擔心果樣，真係有點醜。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。
|
Video 
