終於有人出句聲

發佈日期 : 2013年 4月13日     文 : 巴斯

現在音樂軟件消費市場，主力只能是偶像的 Fans和音響發燒友支撐，

前者有不少Fans，因為支持自己偶像，推出碟又好，精品都好，一一都掃清，就算12個不同封面都可以唔留手咁照掃。

另一班就是財雄勢大的兩聲道音響發燒友，只要是發燒碟，他們就會掃，

在他們眼中，先唔好計機架上一件件的器材，單是一條發燒線由幾千到幾十萬元，

一隻百多元至二百多元的光碟，相比之下根本不是錢，何況他們更不玩盜版，送都唔會聽。

加上發燒碟有著很多個不同格式版本，他們出一個買一個，

就算與音色無關的篇號都唔放過，所以唱片公司非常看重呢班消費者。

近年一次又一次推出呢類所謂發燒碟，業積當然好好吧，所以人人都話出發燒碟。

每次有發燒碟推出，都見到好多人讚不絕口，

我自己不是發燒友，當然無法投入點解這類所謂發燒碟會咁好賣， 所謂好評就更加摸不著頭腦。

 終於有份量的朋友出聲喇~~~ Ernest 在業界絕對有資格作出批評，連他都睇唔過眼，

可想而知影響到真真正正用心去做發燒碟的朋友。

Ernest 所指是錄音技術和歌手是否夠班推出發燒碟，而我就比 Ernest 多了一項原創作品，

現在比起 80-90年代更差，當年雖然唔係全首歌原創，但都仲有改篇，加入適合的中文歌詞，但現在連歌詞都廢事作，就咁翻唱，

咁.........其實推出 九龍城 Neway 現場錄音發燒天碟 都可以啦。

難道樂壇今後就只有舊歌? 非常支持今日依然努力創作新歌而出碟的朋友們，最起碼沒有放棄自己在音樂上的理想，

所謂一線歌星，輸唔起，不停翻唱是他們覺得的唯一出路。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。