SAMSUNG GALAXY Note 8.0 LTE 出左

發佈日期 : 2013年 5月25日    圖 / 文 : 巴斯

5月24日星期五，對雷霆救兵來講，是一個難忘又開心的大日子，因為這日正是他訂購多時， Note 8.0 到手的一日。

接到售貨員電話通知取機後，他驅殼雖然在工作地點，但靈魂早就跑到店鋪門外守候著。

好不容易先捱到放工一刻，雷霆救兵奪門而出同時，給我發出這個圖像，可見他心急程度。

來到店鋪得知返貨不多，只夠派早前落訂的客戶，其他人免問，唯有等下批貨到步。

店員為 雷霆救兵 拿出  Note 8.0 驗收。

一向親民的 Samsung，今次為  Note 8.0 用家，送出圖中所見贈品。

我明白，爛牙耳機是免費送，照計無資格投訴，但以送 Stereo耳機會唔會好少少呢? 

呢款耳機..............第一時間只會想起送貨外省民工囉，不過又唔係送比我，唔關我樹，正所謂事不關己，乜乜物物。

不過我由 雷霆救兵 眼神，加上他平日個人品味，我有理由相信，呢隻爛牙耳機只會在土多房渡過她餘生..........

廢話少講，驗機丫先生..........

你睇，Samsung指定送呢塊保護貼架，有乜咁巴閉 ?

無架，買的話都一百幾十，依家無條件送，仲幫手貼埋，不如你講我知，你想點喇?

雷霆救兵 驗完機，店員就貼上保護貼。

呢個年代，第一時間當然立即上傳 Facebook 通知全世界啦~~~~

圖中可見，雷霆救兵 所用手機是 5.5" Mon  Note 2，這部同樣可以打電話的 Note8.0，並不是手機替代品，

雷霆救兵 覺得 Note8.0 的大小是很適合他所需要，更可履補Note 2 的不足之處，今後會與 Note 2一起共用。

 雷霆救兵 在Facebook貼出有關晒命相後，不到三分鐘，手機響起來，好明顯係被晒傷的朋友求救電話，

果然!!!!對方說要 雷霆救兵 幫他買一部，

唉........店員在 雷霆救兵 一步入店內，就講過這機唔夠貨派，不是因為第一批訂戶手快落訂，今日係無可能有機可以取走的，

不過店員都好好人，盡人事打了兩個電話向其他分店查詢，

結果當然無啦，唔..........，隔住個電話，我都強烈感受到對方那個葡萄味湧出...........

我唔係話馬後炮，今時今日香港買野，龍鳳鈪都可以被搶購一空，呢D高科技電子零件唔落訂可以買到 ? 

你邊位呀? 　

待續...............

撲唔到 Note8.0 的朋友，千萬不要看以下宣傳片，燒炭自殺後果自負。

  Video 

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。