|
Sony Xperia Tablet Z 發佈日期 : 2013年 5 月3 日 圖 / 文 : 巴斯
昨日是 鴨月 鴨日 星期鴨， 由早到晚， Facebook 洗版式都是那隻膠鴨，搞到我都無興趣上Facebook，所有媒體都是在報導呢隻膠鴨。
而剛巧膠鴨登陸地點附近的喜來登酒店，這日剛好舉行我最有興趣的 Sony Xperia Tablet Z 發報會。
每人一盒 真開心，一入門口，就可以見到一堆 Sony Xperia Tablet Z，出席的每一位記者， 只要出示記者證，不單可入席發佈會場，而且每人可有一盒。
你睇個盒幾靚~~~~透過手的比例，可大約猜想到實物大小。 細細聲話你知丫，呢部機未出街架，現在每人即場手上一盒，真係好開心，好彩今日有出席，否則後侮一生。
當各記者朋友，見完實物，影完呢個由大會安排的吉盒後，就可以放回原位。
嘩哈哈哈~~~~你唔係以為真係每人送一部機下化?
來到呢度都見到佢 ? 你放過我啦~~~
防水防塵 大會還安排一個魚缸，你知搞邊科吧。 早前在 Youtube 和 Facebook 瘋傳 Xperia Z 手機打邊爐的片，大家都睇到熟晒，
IP55防水 / IP57 防塵級別丫嘛，知架喇~~~早前的手機版，市民都入晒腦吧。 來到發佈會，大會安排魚缸作為示範，係必然的事，不過我覺得安排打邊爐，大家會更開心囉。 就算唔少心把凍咖啡兜頭淋，都無問題，仲可以拿去洗手間直接沖洗添。
好似上圖所見的水濺，根本談不上是測試， 直接浸落水吧，只要確保部機所有蓋是關閉好，咁放入一米以內深的水中操作，是沒有任何問題。 夏天到喇~~~你試想像一下，在浴室一邊洗冷水花灑浴，一邊睇串流或 My TV，你話幾開心呢~~~
你想唔想好似膠鴨現在咁樣丫 ? 我就想喇~~ 你話帶埋呢部機去果D什麼浮羅交移，浸住來睇，真係人生一大快事。
勞煩嘉欣向大家展示 Xperia Tablet Z 所推出的兩隻顏色， 對我個人來講，白色是我第一志願顏色。
好~~~勞煩嘉欣把白色機身轉過來前面， 噢~~~正前其實都係黑色，正面睇根本唔係白色，只係條邊白色，我好唔喜歡咁樣。
勞煩嘉欣把黑色機轉正面來看看， 你睇，黑色機身正面，是一體化純黑色，睇落順眼好多。
三款選擇 透過發佈會即場知道，一共有三款選擇 。 我第一志願係 Wi-Fi 版 32 GB
，咁即係中間那款選適合我吧。 留意今日開始，在市面的店鋪或 Sony Style 可接受 Wi-Fi 版訂購，但 4G LTE 版本，就需要等到 5月16日先可以訂。 另外 Wi-Fi 版 16GB 與 32 GB的售價，只差 $400 ，我相信無人會選擇 16GB 吧。
體驗會 配合一起預訂的配件，有以下三款優惠，一起訂的話，就會比平日平少少。 如果你對這機有興趣的話，可參加 5月11日 和 12日的指定場次體驗會，進一步了解這機是否適合你吧。
個人評價 我用自己手機 Wi-Fi分享到其中一部機 Sony XperiaTablet Z 上網，透過呢部機睇自己網頁上最熟識圖片， 這個名為 Mobile Bravia Engine 2 WUXGA (1920x1200) 屏幕，所出來畫質，與我一直所用New iPad作比較， New iPad 畫質先係我最喜歡效果， Sony XperiaTablet Z 未達到我幻想的最佳畫質，而且質素還有一段距離。 不過與我印像中的 Samsung Note 10.1 作比較， Sony XperiaTablet Z 畫質，一定好過 Samsung Note 10.1 。
相機方面，你唔係期望一部 Tablet 相機功能，可以同相機比較下嘛 ? 我未開始拍，見到個畫面都唔係好想影下去。 成像後，更加無任何幻想，Tablet 鏡頭我預計係咁，千萬唔好對她有過份要求。 Sony XperiaTablet Z 都唔會例外，用好過無的心態去睇，會較容易接受。
出席發佈會之前，對呢部機有好多美好幻想，見到實物後，只有體重輕 ( 495g ) 和薄 ( 6.9mm )，是在我標準之上，其他都是扣分。 由於我忍受了 New iPad 的 iOS 一段好長時間，一直想找行 Android 的 Tablet 。 雖然 Sony Xperia Tablet Z 有很多地方未達到我個人標準，但由於她方角 ( 好憎圓角 ) ，輕和薄，最重要係行 Android ， 所以我依然是訂購呢部機，作為取代 New iPad帶出街的用途，不過心情並不是好開心咁去買，因為這機對我來講，並不是我期望的高。 今日下午會去百老匯訂購，希望 5月份之內可以到手吧 ( 官方公佈出貨日期是 5月18日 )
機座 這機座是可調校角度之用，需額外購買， 還未到港，會是在發售主機後一段時間先會在港推出行貨，有機在手的朋友，就要多一點耐性了。
「One-touch」一觸即配係是 Sony 今年產品其中一個口號，很多產品都有一觸即配功能。 包括嘉欣手上所見，與 Sony 電視搖控一觸即配後的鏡像功能。
其他「One-touch」一觸即配 NFC 功能產品，也在會場展示出來。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
