|
Canon LEGRIA mini 發佈日期 : 2013年 8月3日 文 : 巴斯
唔好睇字，先睇影片，好精彩。
睇完段片係咪好正呢!!!! 魚眼鏡拍片160度，拍硬照 170 度， 2.7 吋觸控式 LCD 屏幕，機身細部可以放褲袋， 機底內置可調校不同角度小腳架，方便座地拍攝，提供內置 Wi-Fi 傳送分享出去好重要，仲有實時無線監控， 全高清拍片就一定架啦， 用 Micro SD 記憶卡.............. 以上都是 Canon LEGRIA mini 吸引人的賣點。
自動鏡頭蓋，防塵防撞點都要，設計到好像投影機一樣屬於側門開關。 拍硬照1200萬像素加上f/2.8光圈魚眼鏡唔知個質素係唔係好似片中咁靚呢? 拍完片的格式係 mp4，上傳去Youtube 一定無問題啦， 我唔知部機內置有無得剪片，如果無都唔緊要，去到Youtube 那邊都有簡單的剪輯功能， 要求不高的話，只係剪頭剪尾，一定難唔到 Youtube。 最囉命係可以用 app咁樣玩丫嘛~~~
個 2.7 吋屏幕仲可以調校角度，睇相時與操作手機時一樣，直接用手橫掃個Mon就得，方便到無朋友。 重溫片段時，仲有立體聲喇叭發聲。 仲可以快鏡或慢鏡拍攝，邊有咁開心架，真係人都癲。 另有專用防水殼發售，你話帶埋去沖繩，沙巴呢D人間地獄旅痕，真係開心死啦。 唔知用來做行車紀錄儀又或者用來幫手睇住小朋友又是否合適呢?
呀糯~~~~叫導演買返部，綁在頭頂拍一輯 Da咩 ( だぬ ) ， 應該好睇過廣末的版本架呢。
不如睇埋以下機能介紹先走好嗎?
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
