|
NuForce MMP 上集 發佈日期 : 2013年 7月10日 圖 / 文 : 巴斯
NuForce 一向在市場定位是平靚正，近日推出了一款 MMP ( Mobile Music Pump )便擕式耳機放大器 ( 耳擴 ) 。 強項當然係高驅動力輸出，還要有一定質素音質，就算接上高阻耳機都可應付到。 睇個名 MMP ( Mobile Music Pump )就知道係方便配合手機使用，體積無可能大過手機吧，否則搵你買喇。 圖中所見就係呢部機與包裝盒合照，有黑色和白色選擇。 這日經過旺角聲耀全音 ，問老闆借了部白色來玩下，我喜歡白色，襯返自己手機色嘛。
這機提供一組輸入，兩組輸出。 在機身這個位置可見到最左手邊的是電源開關鍵，還可見有電源顯示燈， 最右手邊兩組放大後的3.5mm耳機接口輸出。
電源顯示燈在充電期間是以橙色為顯示， 而平日運作狀態是以綠色燈顯示。
兩組放大後的 3.5mm耳機接口輸出， 最多可同時接上兩組耳機，變成情侶分享器。
機身這個位置可見到 Micro USB充電口， 與 3.5mm訊源輸入接口位。
機身纖薄，重量只有 22克的 NuForce MMP ， 細到可以用來作鎖匙扣用，非常之方便收藏。
在機身這個位置上，可見到最大用途的增益切換鍵。 提供 3倍或 5倍放大切換。
個人評價 耳機放大器 ( 耳擴 ) 在手機上一經用上，就回不了頭， 如果唔比較是一點問題都無，一比就慘喇，因為有和無，真是一個天一個地。 你幻想一部手機的 3.5mm輸出口，有幾大輸出提供到呢? 這類流動裝置一般只遷就低阻抗、高效率耳機而設計， 試問 ( 耳擴 )一經接上，還可以回頭? 加上 NuForce 都是大眾口味，差極都有個譜，呢部機只售 $480港元，與名貴拉不上任何關係，個人非常之滿意她音色上表現。
無論聆聽那一類音樂，用上了 NuForce MMP 之後，整體效果都得到全面提升， 這點並不是 NuForce MMP 有什麼超班技術放下去，只是手機輸出實在太差，要好過手機太容易了。 而市面上有一 定質素，而價錢平民化的耳擴， NuForce MMP 會是一個好選擇。
雖然自己手機早就選用了 Poweramp 這個優質播放app，但講到大幅度提升質量， NuForce MMP 確實事半功倍。 當然配合Poweramp 與 NuForce MMP 一起使用更開心吧。
其實我一直都無法接受在街上用( 耳擴 ) ，要我帶多一部額外的機出街不在話下， 還要同時接上兩條線，加埋耳擴，一抽野纏住晒， 對我呢類浪子性格，煩死人唔在講，唔型本身就係死罪，但市面上又事實上好多發燒友用耳擴帶出街。 不過好似我呢類連蝙蝠俠都話唔好睇，3D又唔受得，影相又唔帶腳架，不能與時並進的廢人來講， 又點會明白耳擴發燒友進求完美享受的心態呢?
耳擴在手機上使用，對音色上是有所提升，是鐵一般事實，尤其對高阻抗耳機來講，這點與兩聲道的擴音機與喇叭理念差不多。 只有 22克重，薄身到當匙扣用的 NuForce MMP，是我可容忍最理想體積，其他大磚頭我更加反感。 如果朋友近日有興趣耳擴，又唔想買咁貴，要求又唔係高的話，可試試這機效果。
耳乜野擴遮? 搞完一大餐，訊源咪又係手機? 當然啦，要靚聲，又唔想纏住晒線，Astell&Kern 完全解決了問題。 價錢由入門級五千幾，到旗艦都只係萬幾，只不過好似我呢款外省民工，莫講話買，供都供唔起~~
當然一部 $480 耳擴，不可能要求同部磚頭耳擴作比較，否則的話，買磚頭耳擴的人豈不是傻的嗎? 總之如果接受到線纏身，單看 $480 的 NuForce MMP 在音質上，一定使入門級的朋友感到滿意。 拿拿拿，千萬唔好問我點解要在街上聽歌咁危險呀，我唔識答你的。
NuForce MMP 規格表
唔好淨聽我在這裡吠，咪人講你就信。 聲耀全音 香港旺角西洋菜南街1A百寶利中心1405室
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
.jpg)
