NuForce MMP 下集

發佈日期 : 2013年 7月10日    圖 / 文 : 巴斯

市值 $480港元的 NuForce MMP ( Mobile Music Pump ) ，除了用在手機上通街走，

用家唔一定要跟字面所講，只用手機上，試下用在其他流動裝置都可以得到樂趣。

大家在過去流動裝置成長歷程裡，來到 2013年這個年頭，應該有不小陪葬品，她們的身價，今日連賣落火坑都無人要，

智能手機就話有其他播放器的 app，裝上後可幫到手，改善音質。

但呢類陪葬品又唔係智能裝置，點可能容許用app咁做呢? 

NuForce MMP 另一個用途，就是可以把這些陪葬品掘返出來，配合一起使用。

就好似佢咁............. ipod nano，你總不可能幻想呢類舊到咁的陪葬品，可以直接使用高阻抗耳機來推動吧。

咁.........一定有聲的，只不過控制能力又是另一回事。

又或者佢.............佢係邊個 ? 你唔認得佢嗎? 

魅族 miniPlayer 啊.........唉.............算吧， 2013年大家都只會記得魅族手機吧。

呢部當年大家覺得是聽檔案最靚聲的流動裝置，以今日標準，操作上非常之唔惦喇，點可能與今日手機的GUI比丫。

但掘返出來，透過 NuForce MMP 來播放，無論係 ipod nano又好，魅族 miniPlayer都好，

聲音又真係唔錯啊，算係半個起死回生啦，操作係就係慢D，但都好聲嘛，玩下囉。 

有點像女朋友剪髮後，換了新女朋友一樣的感覺 。

講起 MP3，長氣一提，為節省空間，普通市民的手機裡，都會放入MP3檔就算，不過MP3檔都有分級別的。

唔好放入太惡劣質素，無人話一定要達到 320kbps ( 不過最好啦 ) ，

如果唔想，最起碼都 192kbps 吧 ( 無奈的選擇  ) ，就算真係咁手緊，唔該最低都 128kbps ( 真係低無可低喇 ) 。

我明白空間係一個問題，但心照啦，在街上聽來聽去都係那堆曲目打發一下時間吧，

難道你想把整個 HMV 放在流動裝置上 ? 

我見有些朋友的MP3，居然只有 96kbps 或更惡劣，天呀，消閑聽當然無所謂，只要自己接受 ( 忍受 ) 到就可以，

但最慘係用來做 reference ，依靠這些檔來踢館，咁就死得人多。

試問本來訊源數據流失量咁惡劣，你會幻想接上某東西就可以變成高清 ? 

下次用來踢館又好，試機又好的MP3檔，唔該唔好用高壓縮率的檔案，否則試乜都無意思，訊源係非常之重要的。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。