|
新鮮出爐 Sony Cyber-Shot RX100M2 下集 發佈日期 : 2013年 7月22日 圖 / 文 : 巴斯
限量版機套 跟機附送這個價值 $480 限量版機套，無論顏色，樣子，和物料都可接受。 不過身輕如燕的機身，套上機套後，變得笨重，起碼就唔再可以把相機放入褲袋了。 銀手說使用機會不多，唔知是否應該放售，還在計算中...... 在包裝盒背面圖解裡可見到，相機帶只扣機套，不扣機身。
機套用料和配色做工算不錯。
MICRO-USB 充電 盒內除有說明書，還有這個方形變壓器， 一眼睇得出，是利用她直接插 RX100M2 機身充電，接口正是 MICRO-USB 接口，非常方便。 但方便還方便，透過RX100M2 以 USB方式充電，其功能只能當充電，意圖一邊充電一邊拍攝的話是在性幻想。 打算用這方式來長時間無間斷自動攝影，會好失望。
防滑手柄 DC仔一部，體積越細，用家越開心，有朋友覺得這機身因為圓角關係， 又無手把，更無防滑膠，握手位很滑，容易滑手。 唔...........呢個世界上最緊要有要求，尤其製做商更加開心。
請用 多啦 A夢 把聲大聲讀出 防滑手柄
放心，用錢係可以解決呢個問題。 這個配件售 1575 日元 ( 以77算來計，約 121港元 )
銀手非常喜歡 RX100M2 體積可放褲袋，真正做到便攜機的基本要求。
多功能熱靴 與上一代比較，新一代機頂追加了圖中所見多功能熱靴。 所謂多功能是可接上很多不同種類配件，閃燈當然係其中之一吧。
先生，跟埋閃燈一起買嗎? 貴 ? 咁家中有無其他牌子的彈鏡反光機外置閃燈丫?? TTL ?
跳燈 今時今日，連手機都有閃燈，自稱相機的，無奶油無閃燈吧。 RX100M2 提供跳燈，而且和她遠親 NEX 機系跳燈一樣， 跳出來之後，可用人手幫助閃燈調校角度，有助閃燈有一個比較柔和效果。
如下圖所見，跳燈出來後，用家如覺得閃燈直射主體效果較硬的話， 可用人手把閃燈角度改變，使閃燈不直射主體，利用間接的方式( bounce )，做到較柔和效果。 官方話這跳燈最遠射程 5.7 米範圍就衰減。 唔夠勁，又唔夠遠 ? 嘩~~~你見支跳燈咁細枝，你想點勁法呀，補下燈遮，有要求就用大燈啦。
電子控制環
多角度屏幕 屏幕活動性非常強，可以向上傾 84° ，也可以向下傾 45° ，不過女生們最關心的180° 自拍角度就無喇， 不過 RX100M2 主打不是女生市場，以男生使用習慣，現在的可轉角度都應該滿意了。
機背保留跟上一代同樣是 122.9 萬 White Magic 3 吋螢幕， 無電子觀景器 ? 係喎，無電子官景器喎~~~咁烈日當空咪睇唔到個反晒光的屏幕畫面囉， 丫~~~~我最喜歡有要求的人。
請用多啦 A夢腔口大聲讀出 電子觀景器
咁呢款電子觀景器就絕對係首選喇~~~ 只售 $2990，比起剛剛提到她自己的閃燈 ( $2390 ) 還要名貴。 有要求就當然係要錢啦，唔係有錢買機 ( $5980 )，無錢買電子觀景器下嘛? 所以今後唔好再話 RX100M2 無電子觀景器喇。 你睇個價錢平成咁，會否擔心被人搶購一空呢? 唔好再話 RX100M2 無電子觀景器喇。 不過用了她，就佔用了多功能熱靴 ，想接其他配件，就無位喇。 使如用了電子觀景器，就無法再上外置閃燈了。
伸縮鏡頭 RX100M2 鏡頭屬於 28-100mm 伸縮鏡， 強項是伸到最遠100mm的狀態，炮身不會伸得過長而影響外觀。 也是由於這個理由，就算前方有玻璃的話，都不易因為伸長而頂到炮口。
待續............... 結局篇
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
