$24任用

發佈日期 : 2013年 8月28日    圖 / 文 : 巴斯

移居美國的妹妹回港一星期，今時今日無上網的話，慘過死，

那些免費 Wi-Fi 難搵過 RPG Game的武器，試問咁用法，同無得用有什麼分別呢? 

幫她在數碼通出了一張所謂儲值咭，目的係提供 每日 $24 任用的 4G流動無限上網。

除可上網，仲有電話號碼功能，打本地又得，打長途都無問題。

咁妹妹去到邊都可以打到電話，上到網，唔需要乞先有施捨得來的 Wi-Fi 。

有了這張咭，妹妹在香港可以在這個星期用4G極速上網週圍去，而且還可以用電話和大家保持聯絡，開心~~~~

除可上網，仲有電話號碼功能，打本地又得，打長途都無問題。

買到張咭得手後，只需把咭放入手機內，求其打出一個接得通的電話 ( 無需通話 ) ，

呢個動作代表正式開通了呢張咭，完全唔需要輸入什麼一大堆字咁麻煩。

呢張咭，除了數碼通門市有售，在其他賣手機咭的店鋪都有發售。

店員好好人，雖然張咭早印上有關資料，但依然筆錄一次給我，還額外為我即時查察兩個國家的長途通話收費，

嘩~~~點解打去日本與打去美國的價錢差咁遠架? 乜..........日本遠過美國咁多架咩 ? ^^

當儲值咭內的錢用得七七八八，數碼通就會發出訊息通知用戶要增值。

充值的金額有以下幾款。

買返來，擦去銀色部份，

就會出現一組好長數字，照足咭上面的指示成堆數字輸入就增值到。

任何事物都會有缺點，呢個方式都唔例外，首先她唔可以 Share 個 Wi-Fi 出來比其他機用，就好似妹妹雖然有帶 iPad來港，

由於唔可以 Share 來自手機的 Wi-Fi ，所以 iPad 未能受益。

另一個缺點就係，購買呢張咭之前，緊記了解究竟呢部來自海外的手機，有無被鎖機，否則就算插上這張咭，也是得物無所用。

妹妹的手機本來是被鎖上的，由於她一早知道，她出發前就去電訊公司為手機解鎖後先帶來香港使用。

還有一個缺點，如果用家只有一部手機，由於要放入呢咭，所以一直用開的咭就要取出，咁外國的朋友就打唔到電話找你了。

一係由得佢，一係就帶兩部手機出街。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。