ProMini 6000-AvBuzz

小禮物 ProMini 6000

發佈日期 : 2013年 8月28日圖 / 文 : 巴斯

妹妹的 Samsung S3手機保護套非常緊貼著手機，每次拆保護套換電池，都花很大氣力，極不方便，

今次妹妹回港，剛好 ProMini 6000 推出新款流動充電器，容量為 6000mAh ，

有 2.1A 或 1A 輸出，用來充她的 iPad 和手機都適合。

當我見到有呢個鋁合金的粉紅色，就立即買下來送給她，呢個包裝唔會失禮吧。

包裝背面有清楚的使用說明。

把包裝盒打開，可見到機身和說明書。

而且跟機還有一條短銅芯充電線，而且有一個索袋，索袋包著的話，就可以和其他金屬雜物隔開，

不會弄花機面，更不會把鎖匙之類的金屬物，誤插入通電，真細心。

跟機送呢條短身純銅 Micro- USB 充電線。

而且這個索袋是屬於雙層設計，充電線與充電器分隔擺放，

USB頭就唔會弄花靚靚充電器表面。

正面與背面的樣子，呢隻粉紅色好正，唔單只無娘味，襯晒我細妹，值得一讚。

可能是因為鋁合金的關係，睇落貴氣得來有時代感，這是市面上一般的膠殼在外觀上埋唔到她身。

安全最重要

我之所以選 Pro Mini 6000 除了提供雙輸出，還是屬於 2.1A +1A，

靚仔就唔在講添，覺得佢好安全又好用，留意到CE 字樣的信心保証嗎?

查電量

我強調係查剩餘電量，唔係想充電，只係想八掛一下還有多少電在 ProMini 6000 內裡吧，唔好叫我插上手機先知仲有幾多電咁煩。

平日用手指輕掃一下圖屏幕，留意只需輕掃，其實可以叫做摸都得，總之唔需按厭，

顯示屏會立即顯示還有多小電能，顯示完會自動關上，實在是細心設計。

你話送呢類禮比人家，仲唔係提升自己在人家心目中的形像和地位 ?

最起碼對方每次充電時，都會想起你掛。

6000 mAh的能量可真不小，帶在身上一定要確保安全先得，否則跟帶一個氣油彈在身上沒有分別。

市場上大陸貨推出過萬 mAh 版本，一向膽少的我就唔夠膽用喇，何況用來送禮?

其實成龍大家金句一直都有提大家架啦，只不過很多人貪平買老牛咁解遮。

本身呢D產品又唔係好名貴，真係無謂用自己或其他人的生命安全來冒險，我真係唔想為了那一百幾十，成世唔安樂。

不過話分兩頭，如果打算放個炸彈在有心病的仇人身邊，呢類有潛在爆炸危險的充電裝置確實係首選，

單係每天早上追看新聞報導，看看每仇人有無被炸傷呢份驚喜，都值回票值呢 ^^

電源開關是屬於輕觸式熱感設計，圖中所見呢個 4段容量的 LED 顯示屏，

她們每 25%一組，分別為 25% 50% 75%和 100%這四組。

開關時，用家用手指長按圖中所見開關，先可以開到機，

用雜物長按這個開關是無任何反應，一定要用手指長按這個位置 3 秒，方可開啓充電的電源。

就算開啟電源後，如果唔係真正充電，閒置超過 1 分鐘，她會自動關閉電源，非常安全。

一入二出

一入二出，其中一個屬於 2.1A / 5V 輸出，是她另賣點之一。

留意，一個流動充電器有 2.1A / 5V 輸出並唔係有什麼咁巴閉，其他產品都有，並不是她專有技術。

只不過咁大電流輸出，安全係好重要，過熱自己會停止運作，是我選擇她來送給禮的另一個理由。

餵飽佢

2.1A / 5V 輸出，好似 Note或平版電腦呢類容量大食器材，

( Note １ ) 2500mAh ● ( Note II ) 3100mAh ● ( iPad 2 ) 6930 mAh / ● ( New iPad ) 11,666 mAh

唔通仲用 1.A去慢慢充咩，返到屋企充都未充完啊，用 2.1A / 5V 就一定可以比用 1A / 5V 快好多咁就餵飽裝置。

打孖充的話，兩組充電輸出都變成 1A 。