|
Note 3 上集 ( 終於到手了) 發佈日期 : 2013年 9月27日 圖 / 文 : 巴斯
9月25日星期三，這日對我來講係大日子，因為呢日係接新女友入宮， 早上接到百老匯電話通知有取，立即奪門而出，起身取機。 把尾數付款後，店員幫我驗機和貼上免費保護貼，有無野送? 無架，無額外的電池送，無額外的 SPen送，送我出門口就有。
店員憑著純熟手藝，無需一分鐘， 就把保護貼搞好了，勞煩晒~~~
呢部機拍片可以有4K，又話播歌可以好像 LG 手機 G2 一樣，支援到 24bit / 192kHz 音樂檔案。 如果係咁，勞煩唔該比多一張 64GB記憶卡我丫。
出門口影返張相先.............. 我唔係話呢個門口出來，只係經過呢度影咁解遮 ^^
返到家裡影返輯開箱圖先得。 呢個就係今次Note 3的外盒，幾靚仔啊，好過之前白色多多聲。 而且呢個盒的設計理念，好配合今次Note3機背的理念，即係話機背睇落係真皮，其實係膠， 個盒睇落係木，其實係紙皮，哈~~~估你唔到囉。
把盒蓋打開之後，可直接見到 Note 3 機身， 把她移走後，可見到還有下層住客。
下層住客係咁樣的.............
說明書印得好靚，我好喜歡， 由於我有閱讀恐懼..............用不著，還是擺放回原位算了。
內裡還可以找到呢兩樣野，你估到是什麼呢 ? 比小小時間你想想是什麼吧~~~~~
付件裡還有 Samsung J5 耳機，如果用家不是一線耳機發燒友的話，請先使用呢個跟機免費耳機， 一般市民用來聽歌，一定唔會覺得音質差。 千萬留意第一次使用時，緊記配好付來的大中小耳膠，適合自己耳孔大小的耳膠，影響耳機音質可是天地之別。 反正免費，試完先決定是否去買別的耳機回來好嗎?
另外提供的充電器，圖中可見是 5.3V 2.0A ， Note3 所用電池容量唔講得笑，是 3200 mAh ， 如果打算使用代用充電器，輸出唔好比她小，否則充好耐都充唔飽，浪費時間， 尤其不是全關機充電，流失電量還比充的要快。
USB 3.0 呢部機可拍 4K 影片，影張相都成千萬像素，如果傳輸得慢都幾死， 可能因為呢個理由，今次Note 3的USB接口是用上了 USB 3.0， 頻寬達 5Gbps 的 USB 3.0 ，相等於USB 2.0高速模式 480Mbps的10倍速度， USB 2.0傳 50GB 要用半個鐘，USB 3.0 只用 6分鐘就搞惦，你話喇~~~ 圖為跟機付上的 USB 3.0線材，這個接頭，有別於我們平日所見 USB 2.0 插口樣子.................
出事!!!!!! 死喇~~~新的 USB 3.0 接頭，與 2.0不一樣。
咁我早前所買的銅芯充電線，豈不是化為烏有?
最慘係呢條浮跨線用唔返呀~~~~~
你睇，USB 3.0接口咁大個，USB 2.0 頭咁細個.........
A~~~~咪住，原來係插得入架播，只不過插完之後，側邊還有缺口，充電功能完全無任何問題。 出機當日電池，出廠只有50%電量，在回家路上喪影相和拍片，還在車上試用全機各項功能，電能大量流走， 晚上約了朋友睇戲，回家襯有時間，梳洗一下，把握時間為 Note 3 爭取最佳充電時間， 把Note 3電源完全關上，直接用火牛配合純銅充電線來餵飽佢， 果然能爭取到在出門口前充到 90%電能，當晚在路上可以盡情咁了解 Note 3了。
登登登~~~凳~~~答案就係......... 圖中所見五枝白色棒，是SPen的筆頭，是提供給用家自行更換損耗品， 用家用付來的金屬夾，把SPen舊筆頭拉出來，再用金屬夾把新筆頭接上就可以了。
待續.........
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
