|
Note 3 中集 相機功能 發佈日期 : 2013年 9月27日 圖 / 文 : 巴斯
4K 拍片 Note 3 為用家提供我摸不著頭腦 的 4K 錄影拍攝，一部手機拍 4K ，如果好勁的話，電視台，電影公司每人買幾部 Note 3 就可以開檔。 賣晒手上專業器材套現，肚滿腸肥吧。 咁電視台和電影公司無咁做，即係手機拍 4K質素唔得啦，如果唔得，手機何解做咁大個檔案出來呢? 假設拍完 4K生日會 Up上Youtube 分享， 有人家中當然大量可播 4K器材，但親友就唔知點可以播到呢段片 4K片順暢， 平日叫親友用1080p來睇 Youtube 片，他們都因為網速或本身電腦慢而未能順暢播放，對他們來講，放棄唔睇是世界上最容易的事。 大家都係睇內容架遮，什麼 4K或 3D，內容唔惦，高畫質又如何? 平日我睇 Youtube 內容，睇得好開心的也不一定是高畫質。
出機當日，利用 Note3 以 4K拍輯了兩段街景影片，相信都唔會有人感興趣睇咁悶的內容，只不過人有我有咁囉。 Youtube 預設畫面，一定無可能係 4K，如想收看4K畫質，勞煩如下圖去選 ( 原始品質 ) ， 如果大家的裝置能播到 4K順暢的話，就可以見到有關呢段悶片內容。
睇完上面，不如睇埋呢段丫唔該。
硬照表現 Note 3影硬照效果，在我個人口味下，依然是無法靠近 iPhone，單是 4系都追唔到，莫講 5系。 Note 2 與 Note 3 影硬照效果，分別是相機後置鏡頭由 800萬像素增到最高 1300萬，前置鏡頭，由190萬增到這一代 200萬像素。 與 Note 2一樣，Note 3所影的相，在 Note 3自己手機屏幕下欣賞是滿意的，但放到電腦裡看就握噢~~~
圖中所見，Note 3提供如圖所見多個拍攝模式， 當中有一個叫像皮擦的功能，如像好好用呀~~
你幻想一下...........係咪好得呢~~ 個名叫像皮擦喎!!!!!!
結果 嘿~~~~結果就係............. 行得慢的路人甲乙丙，在相機眼中就等於無移動過，所以這功能會對慢動作的人失效。 咁...........係咪等於無用呢? 我都唔識講喇 ~~
長氣一點，用家係無權去決定移走什麼， 用家全程只負責按 Shutter， 等部相機影完五張相整合成一張相，用家就要收貨，係咁多， 用家是否滿意，都要接受，唔接受就影到接受為止。 圖中粉紅色塗色，係部機話返比用家知，消失左什麼，而唔係用家自己去抹走什麼。
光線足 沒投訴 攝影世界領域裡，誰能玩弄光，誰就是神，手機拍照也一樣。 Note 3和其他一般手機或數碼相機一樣，在日光日白光線充足情況下， 拍攝出來效果是滿意非常，用一世都無投訴。 以下是街拍效果，沒有後製處理過。
但係一到光線暗的環境下，ISO方面我只能接受...........Sorry係忍受到 ISO 400， 高過 ISO 400 的話，可以用慘不忍賭來形容。
前置鏡頭 手機的前置鏡頭，係女生們最關心的鏡頭，Note3 所用的為 200萬像素， 一開出來，美肌功能立即送上，並提供美肌 5 個強弱級別。
兩機比較 多謝 Cymie 客串 ^^ 試完美女相，試下拍野獸吧，比對一下新舊兩機效果吧。 為要表達野獸比較兇狠的一面，所以用回後置鏡頭，並關閉美肌功能。
相薄功能 相薄功能比之前，在外觀上改動了小小， 找相片方式依然方便，尤其近期拍或由其他人手上得來的照片， 在相薄裡用時間來排序，基本上可以講係百發百中，永無失手。
個人評價 自己攝影技術一向不好，加上 Note 的硬照質素未能依靠她得到滿足感，錯敗感自然大，慢慢就無興趣用手機影了。 但無奈手機拍攝始終都是方便，後來唯有無恥地用 app 來補救自己所影的垃圾相， 用 app 篤兩下之後，唔講得靚，起碼唔臭吧，最重要係自我感覺良好， 手機 + app影相成了習慣，所以 Note3 就算相機功能未達到我幻想地步， 但因為有app所提供的各式濾鏡，我無意見吧。
但是如要達到人家睇完會想食的感覺，這些旁門阻道招數，並不適合用在美食相， 咁就真係要靠相機和現場夠光先得喇。
待續...........
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
可Click以下圖片看原圖 
