|
快上車~~~ 發佈日期 : 2013年 10月14日 文 : 巴斯
喂喂喂~~~~你睇了這段Video未啊， 如果未，快去睇睇先。
唔該望住上面讀十次丫
仲未入 CAS 的朋友，10月份 Sony推出幾款機，幫助大家更容易進入CAS 世界， 睇過上面的影片，係咪好想擁有CAS系統呢? 連Sony都加入了並簡化了CAS的大門，雖然唔係什麼 Hi-End 產品，但對初學者，係一個很吸引的工具啊。
HAP-S1 Hi-Fi 唔只用來聽，仲要用來睇，片段所見的 HAP-S1 擁有一個算係大的顯示屏，放在家居裡展現精美唱片封面一定唔失禮， 呢部機除透過網絡接駁外，也提供了一個殖入體內的 500GB硬碟。 講到最高能對應 24bit / 192 kHz 音樂檔，唔係有什麼咁巴閉，今日來講手機都得，無奶油呢類為 CAS 而設的新款機無吧。 正面所見， HAP-S1用來做耳擴也難唔到佢囉~~~
HAP-S1睇落好似微形組合咁，不過用家可以唔用圖中一起推出額外購買的喇叭，用返自己喜歡的都可以。
部機可對應流動裝置的 App，Android 與 iOS 兩者都無問題。 就算部機放得遠，用家依然可以用流動裝置的顯示屏來睇到精美的唱片封面，大大增加了樂趣。
圖為 HAP-S1的背面。
先唔好計對喇叭，淨睇部機和搖控，放在家中書桌都開心死啦。 你喜歡黑色定銀色呢? 銀色當然係 我唯一的選擇啦~~~
UDA-1 覺得 HAP-S1 Cheap? 唔緊要，USB DAC 高級好多喇掛。
新款機來架，DSD重現 2.8MHz 或 5.6 MHz 當然無問題，另外最高對應 32Bit 192kHz。 採用Burr-Brown PCM1795，有銀色或黑色選擇，USB輸入方面一共有兩組，一組在前面，另一組在背面。 留意左下角，可作為耳擴使用。
同樣可以配埋喇叭一起使用。 不過控搖個樣就雞左小小。
又似微形組合 ? 唔緊要，泠靜D，睇睇背面先講。 可以唔用Sony的喇叭架，用自己喜歡的喇叭， 再唔係，見到嘛，有By Pass功能和數碼輸入架，咁係咪滿意好多呢，正所謂進可攻，退可守。
香港正預售中............
HAP-Z1 ES
Sony 族譜有ES字尾都係代表作。 佢都有一段Video架播，不過內容與剛剛的片段差不多，只係換了主角咁解。
呢部機除透過網絡網線接駁外，WiFi也是她其中一個對應的功能，另外也提供了一個殖入體內的 1TB 硬碟。 採用 DSD Re-Mastering Engine，可以山雞變鳳凰，把其他格式音樂檔，升頻成 DSD 效果。 另外 DSD 原味重現 2.8MHz 或 5.6 MHz 當然無問題，24Bit 192kHz當然也是無可能沒有的功能吧。
其支持音樂檔格式如下 : DSDIFF（DSD）、DSF、MP3、WAV、WMA、AAC、FLAC、ALAC、ATRAC（Non DRM）、AIFF DSD（2.8/5.6MHz）、PCM（44.1k/48k/88.2k/96k/176.4k/192kHz・16/24bit）
呢個安難在電腦那邊的軟件，名為 HAP Music Transfer ，係方便用家啜碟之用。 拿拿拿~~~~啜碟呀~~~見到嗎? 有埋軟件，入門級朋友流晒口水吧。
透過電腦啜碟的時候，其資料都是透過 gracenote對應， 用過 iTunes 的朋友都知 gracenote 有幾堅，所以用在這個系統上是好事。
所用的搖控，可是與 HAP-S1相同的一款， 當然用家依然可以用app來代替搖控吧。
TA-A1ES 另外可配用 TA-A1ES 這款合併擴音機來合體使用。
8Ohms 20-20kHz 80W+80W
付有5組輸入，包括一組平衡輸入。
不過咁喎，個樣又真係殺晒架播。 你睇放在一起幾靚仔~~~~~~
高清音樂檔革命開始了~~~~唔好再想喇~~~ 2013年仲有兩個月唔夠就過去，你仲未上車，快快上車先講啦， 快來睇驗一下 CAS 為妳帶來的樂趣吧~~~~
CAS的譜及，要靠機種的多元化來推動， 除了Sony 外，( 她 ) 都有為CAS出一分力。
單靠硬件推出並不足夠，軟件是必需要的配合。 日本也有網站售賣高清檔案，DSD 當然也發售， 但曲目是否好聽，就要看個人要求了，究竟係聽格式定聽音樂，自己喜歡吧。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
.jpg)
