得手

發佈日期 : 2013年 10月3日    圖 / 文 : 巴斯

真係忍得辛苦，Note 3出機當日無充電套裝發售，只有一塊跟機電池，

習慣一向揮霍電源的我，試問點可能一塊電用到一天呢?

何況與她正處於熱戀期? 話你知用到一日都有問題啦。

知喇知喇，尿袋丫嘛，都話左唔做長期病患者，講幾多次先明架 jack!!!!!

呢日粗身大細不適合帶AK120 ，晚上仲未返到家中，悶到想死，

你睇，在車上只得 1% 電能聽歌，村口在望，

邊個唔生性仲要打電話來? 

唔聽!!!無來電更唔聽!!!!

何況呢個時間打來，都唔會係好事，九成係奧巴馬，還是唔接為妙。

就住電量用的日子真苦命，

終於在出機後幾日在市場上買到套裝了，渡日如年的日子，真係等死人架。

就咁行入百老匯問，店員話我來得遲，早被搶購一空，

我唯有拖住生意失敗 Look 腳步去對面馬路間其中一家店鋪問，居然一問即有，

當我問店員幾錢時，他回答我的價錢使我不取相信，我很幼稚地再多口說，我問 Note 3 ，唔係 Note2 ，

店員用很和善的語氣說，係Note 3啊，出面五百幾丫嘛，

我們唔需要正價出售的，也無需要跟機一起買，淨充電套裝都可以無需正價買，

就係咁我就好開心咁買到唔係正價的這個充電套裝，由於商業上的問題，開單要開正價，

至於實收幾多，我唔想害人，尤其係平了給我的商鋪，敬請見諒。

先唔好講回到家裡用手機直接充電是否傷機，

單係充電期間阻住我用手機通屋走都係死罪啦，我呢種浪子性格，比條繩綁住就唔係我啦。

充電座基本上一定用硬架喇，早出早享受。

呢款原廠套裝，打開盒之後，一共有三件東西在內，

分別是充電座，電池和保護套。

勁喜歡呢個貼身磨沙保護套，正到無朋友，有了這個保護套，

我可以亂放在背包裡任何一個位置，那怕是與硬幣或鎖匙之類的金屬物品混在一起，

無論是因為短路或者是弄花表面，都是一個極之好的設計，值得一讚。

最最最最最僅要係電池有無呢個 NFC全寫字樣先，否則手機的NFC失效，買代用電都得啦。

留意身上是印有韓國做的字樣，咁就放心晒。

中國製電池就要聽成龍講喇。

充電座配合電池一樣是長方形設計，並依舊提供有蓋設計。

雖然那個蓋我好少合上，但有得用唔用，與想用無得用是兩回事。

充電座插口，依然是配合跟機線屬於 Micro USB 3.0 插口。

以紅燈表示充電中，當充滿電能後，就轉成綠色燈顯示。

有斷電保護過份充電的裝置，這點也是買原廠最大保障。

 Micro USB 2.0純銅充電線用到， Micro USB 2.0浮跨線同樣可以用到。

純銅充電線快，浮跨線充的過程靚仔，視乎當時所需，單係充電都咁好玩，你話手機幾吸引呢。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。