東京慢快門

發佈日期 : 2013年 11月26日    圖 / 文 : 巴斯

後記

在 RX10 的 Shutter 鍵可見，能提供 Shutter 繩使用。

如果以為我用 Shutter 繩拍呢輯東京慢快門就錯了，

Shutter 繩通常要配合腳架用，要我帶腳架? 我情願唔影了。

用家唔用 Shutter 繩 ，RX10 可以用智能電話來搖控相機 Shutter，方便到無朋友，

不過咁，方便還方便，並不提供手機畫面對焦功能。

但可以實時睇到畫面變化，合心意先按智能手機上的影相鍵，咁就唔需要接觸部相機，都可以按到 Shutter。

智能手機接駁後，用家可在智能手機上操作 RX10 的 Zoom和 Shutter，其他功能就無架喇，

例如 : 現在用手指篤個手機屏幕，把焦點放在巴斯公仔身上，用家可以篤，但無反應咁解遮。

自拍相遮，唔需咁煩下化?用係相機都有的自拍倒數， 又有幾難呢，而且係最快可以影到相的裝置，

上述的方法，搞得來都影左啦，又唔會唔記得帶，殖入體內的功能。

就算相機幾得都好，個人廢就無得搞，

我都無帶腳架，用唔著囉。

在JR扶手梯的一張作品，你睇，有個咁正的腳架放在這裡，唔用就笨喇，

就係因為呢個架，我先可以影到慢快門扶手電梯，喂~~~~唔該晒喎。

每次來東京，都經過澀谷十字路，每次都只用過路人心態經過，呢日唔知點解突然想影人流，

心想找一個高位置，效果可能會好一些，但四邊看過都沒有高處可容身，影了兩張就沒有興趣了。

正當我打算離開時，見到一位外席女攝影師，相機型號並不及她吸引，站在高崗上，她看到我看不到的角度，我欣賞她。

但呢張相唔係用她的角度影，我不想偷用她角度。

好一個柱女 ^^ 

如果我好似佢咁擺Pose，咁我咪可以叫做...........^^

澀谷十字路的一張慢快門，我是借用燈柱，把相機舉到我能伸的最高位置，機身側邊貼實燈柱，

由於Mon 能反的關係，我並不需要盲拍，睇住個Mon來拍，無反Mon會很吃力，我做不來的，

澀谷十字路慢快門作品就是靠這樣成像出來。

其實點解要東京慢快門呢? 

香港日日都可以慈雲山慢快門，大窩口慢快門，再唔係朝街慢快門又有幾難?

咪又係扶手電梯，咪又係鐵路月台，咪又係過馬路 ? ~~~ 銅鑼灣 Sogo 門口的人，咪又係咁過馬路?

咁點解偏偏咁遠走去東京慢快門呢? 

有病就去睇醫生啦~~

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。