ILCE-7RHK$16,990 (淨機身)

ILCE-7 HK$11,990 (淨機身) 

這日銀手一早就撲去 Sony Style 取機，要排 26個先輪到佢，

心急的銀手等了漫長一段時間，最後都在這個Happy Friday得到呢件新玩具。

透過以下由銀手拍攝開箱圖可見，可能是因為銀手屬於首批訂購客戶，

雖然跟機本身有一粒電，依然多送一粒電給銀手，另外迷你八達通套裝，還有32GB記憶咭，都是今次送給銀手的贈品，不另收費。

銀手非常滿意Wi-Fi過相功能，無論出縮圖或過相片到手機速度，都比早前他所用版本為快，

當然 NFC 由機底轉在機身側邊來接觸也是一大進步。

另外，銀手話利用跟機來的USB充電火牛接上A7來充電，慢到龜速一樣，使銀手媽聲四起。

跟機充電器? 

唔好傻啦，萬二蚊買到部全片幅可換鏡頭數碼相機，仲打算有充電器送? 另外比錢買啦。

銀手後來棄用跟機來的USB充電火牛，改用 2.1A的 iPad 火牛，以 USB 接到 Sony A7 來充電， 速度快得多 ~~~~

心水清的朋友應該見到A7所用的電池就是跟NEX的100%相同，電能約在拍攝 260- 280張相片上下，

為擁有那份安全感，兩粒電池跟身是最基本的了。

買得呢部機，當然用來接上手動鏡頭吧，唔通會喜歡 Sony推出的富貴鏡咩?

講到富貴鏡，銀手自己擁有，無須靠 Sony出，唯一所謂缺點，要手動對焦，

不過對銀手呢類以休閒攝影為大前題的玩家來講，手動對焦零難度。

所以今次銀手只淨買 Body。

晚上約了銀手晚飯，他專程帶來相機鏡頭給我見識。

感激~~~感激~~~

其實這個 Happy Friday開心去取 Sony A7 的唔只銀手自己一個，銀手的弟弟 Rex 也是其中之一位。

你睇， Rex 在凶宅買到心頭好，立即在飛鼠幫貼出得手相，你話開心唔開心先。

圖為  Rex  家中可用在A7身上的鏡頭，

如果你係 Rex ，還需要靠Sony推出的鏡頭嗎? 所以他都只是淨買Body就算，

以眼前這批鏡頭市值，能活化這批鏡頭，A7身價 1萬 2000元作為數碼背是否超值呢?

除了銀手兩兄弟外，手上擁有不少手動靚鏡的紅色小人，同樣是這日收到通知去取機，

能夠在Happy Friday得到新玩具，呢個星期六和日，一定過得很開心吧，影多點靚相啊~~~

而同樣是大家熟識的利安，昨日黃昏也在他的飛鼠幫發佈，

他由朋友手上用六折價錢購入 adapter ，而他的水貨 Sony A7正在日本趕運途中.......

和銀手晚飯後，找了一家咖啡店，打算一邊飲咖啡，一邊影下新機相，

嘿~~~一座下來，就見到遠處同樣有人購入呢部機，部機平成咁，一人一部係常識吧，真係一街都係呢兩部機~~~~

他們幫邊間買 ? 你自己找答案丫~~~答中無獎 ^^

銀手買呢部機最大用處，就係可以用到手上的手動鏡頭。

早前購入了 L-M 接環和神力環，今日可以用到在 Sony A7身上了。

這批鏡頭在全片幅數碼相機之下運作，作為主人當然好開心啦。

銀手一向用開 LEICA M9，今日帶出來給我見識的相機袋裡， 共有圖中所見的兩部機和四支鏡頭。

四支鏡頭分別係...........

哈~~手機真係好方便，影完可在上面塗鴉，方便到無朋友。

嘩~~~呢支什麼鏡頭來架 ? 我平日用開的鏡頭，最大光圈都 4呀，5.6呀咁。

 呢枝鏡連 1光圈都唔夠，咁差架 ? 和我用開的足足相距 4至 5倍，

個牌子又唔知點讀，叫什麼  LEICA ，仲要唔係日本做先得人驚 ?

銀手教我讀了幾次，我最後都唔記得了。

你睇，個光圈值連 1光圈都唔夠，銀手話家中有光圈 1.4 和 1.2 沒帶出來。

銀手另外為這支鏡頭配上神力環，使鏡頭可有近攝功能，發揮最大潛能 。

呀~~~~接下來係另一支鏡頭，同樣屬於好難記得點讀的 LEICA 鏡頭，

呢支 35mm 好少少，因為最大光圈 2.0，比之前相差接近一倍。

銀手話呢枝鏡頭有個叫 7妹的稱號，咁奇怪? 鏡頭都有乳名?

呢支又係 LEICA 鏡頭， 21mm最大光圈係 2.8，

終於有支光圈值似我平日見開人家用的了。

來到最後呢支，終於唔係那個難記的牌子喇，呢支叫福倫達 NOKTON鏡頭，屬於 12mm F5.6 

呀~~~呢支好野來架，最大 5.6 光圈，和我手上用開的鏡頭一樣，似喇~~似喇~~~

呢支 12 mm 鏡頭，銀手話擔心配上這全片幅機之後，會有暗角出現，

擔心暗角? 何解出現暗角會用擔心來形容呢? 平日大家用手機影完相，乜唔係千方百計都要加暗角上去先貼得出街嗎?

拿~~~你睇，紅色小人影呢張A7，都加暗角先貼啦，可想而知，暗角係好野喇。

因為無人會加一些唔好的東西去自己影的相片上面架，何況仲係新玩具的相? 

究竟銀手係唔係講錯，佢原意係想講，擔心唔出現暗角呢?

如果係我，加錢都希望出現暗角啦。

拿，下面呢張相，就係用福倫達 NOKTON 12mm  鏡頭配 Sony A7 全片幅所拍攝的成像圖。

咁............算唔算有暗角呀? 如果算，又係咪代表以後唔用得架? 

定係發現咁樣組合而出現到暗角，會被炒貴一倍呢? 

呢D攝影發燒友先明的答案，相信我一世都唔會明的。

銀手經過今日幾個小時初步和 Sony A7呢部全片幅可換鏡相機相處後，覺得在他手上的手動鏡之中，

呢支 35mm 最大光圈 2.0鏡頭，用得最方便和合心意，相信他主力會接上這機支鏡帶出街拍。

圖為 銀手 擁有可用在A7身上的鏡頭。

以下用Sony A7 配他手上的部份手動鏡頭拍攝。

可Click以下圖片看原圖

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。