|
執到 發佈日期 : 2013年 11月6日 圖 / 文 : 巴斯
昨日經過垃圾桶，見到部無人要的 iPad Air，我估市場上說 iPad Air 無人要係真事呢， 其實.....會唔會係一個吉盒來的呢? 你知啦，自由行旅客無必要 keep盒。
拿來看看先~~~~~ 點解...........好........好...........好似係未開封啊。
啊~~~原來真係未開封的。
係就係屈就，正所謂人棄我取，人有我有咁囉。 好~~~~等我影返輯開箱圖先，雖然網上 iPad Air 開箱圖多到嘔，話之佢，最緊要我自己有影咪得囉。 呀邊個，唔該過來幫幫手，係呀，係你呀，拿拿聲過來。 你望住我做乜 ? 開啦，打開佢呀，唔好望鏡頭， 打........開........佢
知架喇，知架喇~~ 16GB淨 Wi-Fi版本 iPad Air 丫嘛，唔好搞咁多無謂野， 立即開箱!!!!!
新速速未開過，早之放上網出售.........噢，係播，人家都話唔收 iPad Air 囉， 咁........無計，唯有自用。
四邊圍住來介，快手卷起膠紙，唔好阻住個地球轉。
底部開封了，開蓋~~ 出力!!!大力D!!!!
開蓋後第一件出現在眼前當然係 iPad Air 了吧。
移走上層的 iPad Air ，可以見到下層的配件。 圖中左手邊大家最熟識的包裝。
由於這部是純Wi-Fi 版本，沒有插卡位置，所以沒有跟上那個好像萬字夾的針， 只見到簡介和貼紙。
而下層就是 Lightning to USB 線材。
在官方店散買一條一米長 $148 港元架，咁雜廠就當然唔需要咁貴啦。 依家送比你啊，想點?
呢除了有 Lightning to USB 線材外，就是香港標準 12W USB 電源轉換器， 官方店單買一個 $148 ，雜廠當然唔需咁貴啦。
轉換器要合體先用到架播。
大家最關心的輸出和產地來源資料， 都可以在轉換器身上找到。
好喇~~接下來就係到 iPad Air 機身。 由於有個膠片把機身包著，所以要把呢塊膠撕下來先。
搞惦，撕好喇， 開機~~~
搞完一大輪問答題，就可以見到呢個畫面，正式使用呢部 iPad Air了。
iPad 的斜邊和無方向性的 Lightning，都是討我喜歡的設計。
部機叫醒佢的時候，雖然不足 100%能源，不過如果買完立即回家的話， 應該夠在車上打發一下時間的。
多謝利安 邊有可能通街執到 iPad Air丫，就算有，果個都唔會係我囉，睇開 avbuzz 的朋友都好清楚，呢種手法只係我慣常用的開場白。 iPad Air 其實係利安送比我做生日禮物，在這裡首先多謝佢送咁厚禮比我。 嘩哈哈哈~~~~唔好傻啦，都係假的，他點會咁對我呢，除非我有絕症咁就有機會，仲要係燒比我果隻。 講返事實喇，部機是屬於利安他自己的，在他的 Facebook 內可見呢張咁有動感的圖片，他是在上星期由官方店直接購入。
利安好好人呀，買了幾日都唔開封，為的就係借比我用， 由於我用開的 iPad mini 更新成 iOS 7之後，整部機反應都好慢，而且好多時都彈 app， 而且Load 縮圖封面都好慢，非常沒趣。 咁你知我衰乜野啦，但唔上都上了 iOS 7，返唔到落去，唯有打算換新機囉，iPad mini 2 好自然係首選。 不過新機又係唔係真係解決到先? 所以利安就好好人咁話借我用，都唔知點多謝佢了。
正如早前筆記裡提到，我用 iPad mini 原因只作為搖控，在家的 CAS系統當中， Lumin 和 Mac Mini 搖控，都只能用 Apple app ，所以我根本無得選擇。 待續........... 以下連結可重溫 最佳搖控 一文 : http://www.avbuzz.com/audio-video/201305/ipadmini/0.htm
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
