$260變身自拍神器

發佈日期 : 2013年 12月30日    圖 / 文 : 巴斯

唔係 Casio 先可以成為自拍神器架播，近日問人借用了一款名為 Easy Shot 自拍搖控，

唔需紅外線，唔需WiFi，更加唔係藍芽，只要在手機裝上專用免費 App，就可用到。

最開心係 Android 或  iOS 同樣推出呢個 app，而最大覆蓋範圍大約 8到 10米，應該足夠有餘了吧。

搖控器

圖中可見搖控器操作鍵一共有兩個，大的一按就是拍攝 ( 格擦 ) ，

小的按下去，就是把手機的前後鏡頭切換，太方便了吧。

 留意搖控器上螢光綠色勾，是可拖出來作為相機腳架之用，為了使相機更穩定，

廠方跟機多送一隻螢光粉紅色勾，給用家一左一右來夾住機身之用。 

下圖為 Easy Shot 這個 app在手機上出現的主觀畫面，自拍時就係咁樣了，

用家雖然手執搖控，但依然可以改變主意用觸屏方式影相，成像後更可立即一步到位地發放到Facebook去。

右手邊的操作鍵，由上至下，分別係開關閃燈切換，2秒和10秒自拍切換，格線切換，還有前後鏡頭切換。

跟身的勾，可以拆出來靈活變成支撐腳使用，這點也是 Easy Shot 其中一項賣點。

平日如果無帶螢光粉紅色勾，單係跟搖控器的螢光綠色勾都可以應付手機支撐擺放的一般傾斜角度。

無論前或後鏡頭，都可以用得著，當然如果兩隻一起使用就更好，何況碰上平板電腦的話，兩隻腳是必需要的吧。

平日就算唔係用作自拍搖控的話，只要跟身，

就算單腳都可以使用作為傾斜角度的腳架使用，無論是睇片或用來閱讀都很是方便實用。

把背蓋向下推開後，可以見到 CR2032 鈕形電，是 Easy Shot 電力來源。

所提供能源約可按 1萬次。

遙控器是以超聲波發送到手機的收音咪以作連接，

所以用家根本無需要把搖控對準手機方能操作，只要在 8到 10米範圍圈內操作就可以了。

 一觸多發

Easy Shot 其中一個強項就係只要開 app就用到 ，過程完全唔需要配對或者什麼連接。

那怕是同一時間多部 Android 或  iOS 手機或平板電腦，只需一個 Easy Shot搖控，

可以同時觸發所有在場的快門，大合照時，只需一按，人人手機都有該張相了，

朋友智能手機也能受惠，強到無朋友。

Easy Shot市面每部售約港幣 $260上下。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。