|
過相佢最叻 發佈日期 : 2013年 12月7日 圖 / 文 : 巴斯
直接啟動 Wi-Fi 優點 雖然相機提供傳輸相片功能推出了一段時間，但到今日依然有很多朋友還未換新相機， 他們埋怨自己手機或平版電腦無NFC功能，所以未有打算更換有過相功能相機。 其實可以講你知，我雖然有NFC功能過相流動裝置，但多數以直接啟動Wi-Fi 過相為主。 因為用直接啟動 Wi-Fi 方式傳送，操作過程方便過 NFC， 假設現在用Sony RX10 過相，機會只得一次，一係用NFC，一次用直接啟動 Wi-Fi，時間慢的一方要立即處死， 我可以立即答你，我選用直接啟動 Wi-Fi。
透過以下片段，可見到用直接啟動Wi-Fi 過相的過程非常方便，基本單手都可中操作到。
直接啟動 Wi-Fi 缺點 直接啟動 Wi-Fi 過相只得一個缺點，就係要該流動裝置，首次用密碼方式與相機配對一次， 該組英文密碼又大階又細階，仲要溝埋數目字，唔知以為係核彈發射密碼天。 如果出現 0o 咁我就真係唔知邊個係零，邊個係英文字母O 我再重新，只係配對一次，今後就無須再配對。
NFC 起動 Wi-Fi 優點 雖然同樣是使用 Wi-Fi 傳輸，但用 NFC 來起動 Wi-Fi ，優點當然唔需要入密碼，就算在無心理準備之下， 突然有朋友需要用他們的NFC功能手機，提取你相機內的相片，都可以用最快速度過戶。 就算 ABCD君，排住隊一人一張都仲得。
透過以下片段，可見到用 NFC 起動 Wi-Fi 過相的過程。
NFC 起動 Wi-Fi 缺點 如果以為使用NFC時，是跟八達通一樣快那就會使人失望，事實上當中有機會接觸不良，需要移正位置，還有機會要兩到三秒先配對到。 咁當然唔係每一次都會咁，但有些時候有上述情況。 我就係怕有時得，有時唔得，所以有選擇之下， Wi-Fi 過相方式是我第一志願，而唔係 NFC。 一般人都以為 NFC 就如圖中咁樣就可以配對到。
事實上 NFC 是要貼到好近先可配對到，還記得上一代 Sony 相機的 NFC是設在機身底部嗎? 單是一塊雲台或快拆之類厚度的阻隔，足使流動裝置無法貼近而配對困難。 新一代吸取這經驗，把 NFC 改為設立在機身側面，大大改善這一點，所以打算買二手或上一代相機的朋友們就要留意了。 我所用的 Note 3，面積比較大，加上如圖所見，相機側面有扣帶位頂著，要100%貼緊相機，就需要調校一下擺放角度。
心水清的朋友在片段中應該見到相機是有CD把相機升高， 目的是我希望 Note3 可以夠位給我橫放，避開扣帶位，能緊貼相機 NFC 進行拍攝。 當然，平日用家只要兩隻手就可以解決問題，我只係遷就今次拍攝，所以咁樣擺放吧。 但我可以講你知，Wi-Fi 傳輸咪無呢個問題囉。
Play Memories 當我仲係用沒有過相功能的NEX-7時候，我試過其他什麼 Wi-Fi 卡之類的產品，完全唔惦，一來我買卡一定要買該公司的卡， 去旅痕我豈不是買好多張 Wi-Fi 卡 ? 如果得一張，豈不是每晚返酒店玩過相? 仲要找一個可靠的裝置存放，Notebook ? 我去旅痕架炸......唔好咁啦。 記得格式化當時唯一張 Wi-Fi 卡，等明日再用。 又試過讀卡器，成日插出插入，我過一張遮，唔需咁大動作下搞張卡下化?
有些產品發神經會失靈，一係就預覽好慢，一係就過過下相斷線， 碰上去旅痕時過一千幾百張相的話，不時斷線，我除了講粗口，還能做什麼? 直到我試用 NEX 6 之後，她配合 Play Memories 這個 app 很好用， 於是我就由 NEX 7 變成 NEX 6 用家 ( 當然還有其他功能較好，所以我把 7 換成 6吧 ) 呢個 app相信在上述片段裡大家都可清楚見識到吧。 當時呢個 app還有一些小問題出現，但來到最新一代相機，配合 Play Memories 呢個 app一起運作，完全無問題，用得非常開心。 剛在六天旅痕期間，每天都影大約 1000-900張相，每次都非常方便咁在 JR 座位上輕易咁過相到 iPad mini， 在車箱裡就可以用畫面較大 iPad mini 睇相打發時間，並上傳到飛鼠幫分享。 Play Memories 這個 app，預設過相可設定為以下三款不同大小， 我比較喜歡預設用每張 200萬像素 ( 約 3百多 KB)，比較適合我使用。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
