遲買送多舊

發佈日期 : 2013年 12月11日    圖 / 文 : 巴斯

國內有朋友來港買 RX10 ，昨日行經旺角西洋菜街，

見到呢間店鋪陳列品上以正價標示，心裡覺得這不會是出門口價錢，

於是問一問店員，這機最平可以做到幾錢。

我當然好禮貌咁問店員吧。

好明顯店員被我真誠所打動。

嘩~~~~乜............平.......咁多架? 比起我當日，足足平了 $830 啊~~~~

開單丫唔該~~~

嘩~~~~~送原廠電 ? 

唔係下化 ? 平了$830，接近一千銀喇~~~~仲要送原廠電? 

我 11月19日買架炸播~~~~還不夠一個月..................

早買早享受，遲買送多舊，天啊~~~

即係除了跟機來的原廠電，還額外加送圖中這個獨立發售的電。

原廠電唔係有乜咁巴閉，市值 $450之嘛，買兩粒一千元有找。

送原廠電咁就唔需要磨電啦~~~~

細細聲講你知，呢位國內朋友  ( 我強調唔係習近平 ) ，剛剛出售了他手上的NEX-7到二手店，手上剛好有兩粒舊電，

混埋今日呢兩粒新電，真係一袋都係電，開心死。

贈品除了原廠電，仲有SD讀卡器，芒貼，同埋32GB卡。

後來店員再拿多個相機袋出來送，呢次飽喇~~~

國內朋友當然係開心加開心啦，但我就慘喇，離開店鋪時，成個生意失敗 Look 咁款 ，早知今日先買啦~~~

　店員好好人，唔會迫我們買無謂野，只係講解可以加多幾百，做一個叫延長保養的服務，

不過呢位國內朋友好花心，唔會咁長情用一部相機的，

分分鐘本來一年基本保養都未到，他就換機了，所以這項服務與他無關。

貼芒呢類非物質文化遺產，我呢類平民百姓又點可能識呢，

謝謝店員。

  Video 

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。