|
多謝榮哥借我玩 Olympus 旗艦 OM-D E-M1 發佈日期 : 2014年 1月31 日 圖 / 文 : 巴斯
中環影音寄賣最吸引我之處，除了可以見到各款二手音響器材發白日夢外，就係可以與榮哥談天， 他除有豐富音響器材經驗外，相機智識絕對是他強項之一。 在他身上可以聽到好多有關相機有趣話題，如果他唔打二手雄工的話，一定可以在任何一家相機店工作。
他自己固然是攝影發燒友，經他手購入再出售的相機不計其數，他也培養11歲的兒子一起玩， 榮哥暫時不教兒子修圖，希望他先學好基本功，並且只安排兒子使用定焦鏡， 目定是訓練兒子一定要自己走位，鍛練構圖能力，啊~~~真是一個好爸爸。 作為爸爸無咁笨長期給父資產個仔玩吧，正所謂長貧難顧，所以用 $800 買了 女友 給他 ^^ ，作為屬於兒子第一部擁有相機。
今日經過中環，順道去店鋪探望榮哥，一入門口他就給我看剛剛購入的新寵， 雖然我唔係攝影發燒友，但都能透過榮哥臉上表情，感受到他的喜悅，心情大好呀~~~ 榮哥以套裝方式購入 Olympus 新旗艦 OM-D E-M1相機配 M. Zuiko Digital ED 12-40mm f2.8 PRO 防塵防水滴設計鏡頭， 索價 $17990港元，單係鏡頭都市值 $7千幾。
嘩~~~~接近兩萬港元咁名貴的相機，多謝榮哥給我試用他的 1千 628萬像素 新寵，我真係唔客氣喇 ，~亂襟一輪先得~~~ 睇唔出呢枝鏡頭又真係幾好用，一來 12- 40mm （相等於35mm相機標準：24-80mm） 對我來講好適合，二來她的微距都很吸引我， 雖然未至於一鏡走天涯，但很多場合都適合用，大大減少要換鏡頭機會。
鎂金屬外殼的 OM-D E-M1， 當然有我必需要的反 Mon 功能啦~~~
sample 呢枝鏡除了恆定 f/ 2.8 光圈吸引外，12 mm（相等於35mm相機標準：24mm） 闊得來，又可以微距得人喜歡。 當然成像都唔差也是重要的賣點。 下圖為最闊 12mm ( 24mm ) 效果 。 可 Click 大看原圖，並無任何後制處理。
唔好以為枝鏡 12mm ( 24mm ) 咁闊就無微距，她最近對焦距離係 0.2米 日常實用上的微距難佢唔到，就以CD背面的最細文字，請問有邊一隻字睇得唔清楚呢? 可以近到咁，平日我們飲飲食食，要靠湯汁浸著食物來表達的構圖，
一定無任可問題吧。 所以這批相，每一張都是以 ISO 1600 成像。 可 Click 大看原圖，並無任何後制處理。
可 Click 大看原圖，並無任何後制處理。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
