土豪金配玻璃貼

發佈日期 : 2014年 1月14日    圖 / 文 : 巴斯

銀手上星期戚起條根，想多買一部 Note3給自己用，把本來一直用開的 S4，用作到國內工幹機。

來到店鋪先知道當日正正就是玫瑰金色在香港首賣的日子，咁銀手當然放棄本來第一志願的銀邊白色啦。

不過重點並不是玫瑰金色 Note3，而係順手幫襯店鋪配上保護貼。

市面上光滑高清貼，缺點就是啜手，而且容易出現面油指紋漬，磨沙面就無上述問題，但缺點當然因為磨沙而不能高清。

所以唔用保護貼就最開心喇，現在所有旗艦型號手機，基本上都用上強化玻璃，區區的手寫筆或者手指甲，

係無可能傷到強化玻璃表面，所以不少朋友都索性裸屏使用。

但放在貼身褲袋時，就好大機會被袋裡的石英或砂粒不停磨擦弄花表面，又或者不少心跣到地上，都會被磨花表面。

當然跌到地上強化玻璃只係唔會粉碎，但會爆裂呢，搞成咁，花唔花都無關係吧。

如果只係輕傷的話，畫面淺色的狀態，可以講係唔覺眼，但黑畫面就會見到，

你知收機佬，一點一滴都當作五蚊銀咁大個來睇，你話佢識唔識睇丫拿，見到後就大條道理壓價。

為確保表面一定無任何花痕的話，貼上保護貼是對日後出售到二手市場有利。

銀手選擇店員推介的這款保護貼，是一片硬生生的玻璃，由包裝盒取出來的時候都是由一個硬盒取出來，硬生生的貼..........

Sorry應該係硬生生的放上 Note3 表面。

銀手使用過之後都覺得同裸屏好接近，缺點是比較厚身，不過銀手也接受這個所謂厚，既然滿意就比錢啦，

多謝 $198，由於部機在該店鋪買，姐姐收平$20，即 $178出門口。

不過..............我仲係用緊買機時送比我的保護貼囉 ^^ 

面油 ? 基本上呢個年代的人唔會打電話比我，，好少機會貼到塊面埋個Mon度。

他們大部份都係Line和 Whatsapp 我，因為對個咪噴口水囉，反而口水花就大把。 ^^ 

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。