|
冷藏功能 Locker 發佈日期 : 2014年 1月12日 圖 / 文 : 巴斯
Locker 的好處，去過日本的朋友都深深感受到，今次和大家分享的當然唔係普通 Locker咁簡單啦。 而係有冷藏功能的 Locker 。 呢日 Tiffie 來到東京都渋谷區東急百貨地庫買水果蛋糕，由於今晚打算夜一點先回酒店， 無可能拿著水果蛋糕通街走，有冷藏功能的 Locker 就可以幫到手喇。 想知點用，可Click以下播放器得到答案。
渋谷區東急百貨地庫所出售的水果蛋糕，真係好吸引，五顏六色，靚到唔捨得食。 面對咁靚的美食，好難唔買來試試。 平均每件約由 500-700日元 ( 約 37- 52 港元 )
Tiffie 選了其中三款，包括人氣 No 1的蜜瓜味， 雖然只買三件，但餅店依然提供精美紙盒包裝。
你睇個盒幾堅固而且簡約。
並有封條封著，上面清楚印有需要冷藏於 10度以下字句。 還有購買地址和日期。
標準 Locker 在轉角位置，可找到 Locker 區，圖中所見位於右手邊標準 Locker 當然唔係我們目標。 我們把眼光移向左手邊有窗口設計的 Locker。
標準 Locker大家也見過內裡，一點不出奇。
冷藏 Locker 圖中所見有窗口設計，就是屬於有冷藏功能 Locker。
無論是外表。
或是內裡，都是有別於平日我們常見普通 Locker。 這些有冷藏功能 Locker，其效能等同酒店房間的雪櫃咁上下冷藏能力。
這裡開放時間為每日 10:00 AM - 9:00 PM。 每次使用 300日元 ( 約 22 元港幣 ) 。
收費方式，用家拍卡又得，入錢都無問題。
圖中所見就是所接受拍卡的收費款式， 當中包括作為旅客必備的 Suica Card。
使用入錢方式是三個一百日元，如果用家手上剛好沒三個一百日元硬幣的話， 可以即時散子對換，用家可以投入一個 500日元打散又得， 放入一張1000日元紙幣同樣可以為用家對換 100日元硬幣。
好啦~~~~放入所需物品，並把門關上~~~~~
唔方便帶埋你兩隻野一起啊， 今晚 9:00前返來接你們，乖乖地啦。
然後付款，由於 Tiffie 早在落機第一時間得到 Suica Card， 使用夾在手機套暗格內的 Suica Card，方便即拍過數，搞惦!!!!
然後鎖櫃並抽出鎖匙，咁就完成呢個過程喇， 回來時用鎖匙一開，就可以取物品，簡單又易用。
7 小時後............... 哈哈哈~~~太方便了吧~~~ 特別鳴謝 傾國傾城 傾力演出
渋谷區一共有兩家東急百貨，而我們今次所用的冷藏 Locker係位於東橫店的東急百貨地庫。 圖中所見的路人正使用扶手電梯向上，而要去的位置是向下，就在旁邊，放心，非常易找到的。 東京都渋谷区 2丁目24−1 東急東横店
下圖所見， 以利用大家熟識的狗銅像與 109 的相距圖， 咁一定找到紅圈所見的東急百貨東橫店喇~~~~
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
