|
堅持要直 Mon 發佈日期 : 2014年 2 月15日 圖 / 文 : 巴斯
一直用開的 27" Mon 用落唔係好夠位，想找另一個 Mon 結合行 Dual-Monitor， 主要用來放 Photoshop 工具，方便修圖用。 由於只係用來放工具，質素唔需要頂級，睇到就可以了，反而先決條件必定要是能打直擺放。
在正都一入門口的Samsung專櫃位置，唯獨只有這款 Samsung 24" LS 24c750ps 能打直擺放， 並且係 24" ( 1920X1080 ) ，睇睇個價錢，$1490 .........
依家 D Mon 平成咁? 之但係平還平，我身上積蓄買了她就唔夠座車，要行返屋企。 於是我用托也哥的表情和聲線，問靚仔店員有無得平，
唔知點解佢聽完打了一個冷震，然後同我講，如果我比現金，咁就平多 $100比我， 荀到咁，唔買點過得到年，唔該，比部新我丫。 雖然跟機有一條 1.5米長HDMI線，但靚仔店員話再額外多送一條 HDMI線給我，多謝，多謝，再多謝。 其實.............只得1.5米咁短，邊夠我用丫，不過都多謝左先。
堅持要直 Mon 點解我咁堅持要係直 Mon，當然有理由吧。 影直度相都專登買個直度手柄影，咁睇相無奶油唔用直 Mon 睇掛~~~~所以堅持買個直度 Mon。 你睇呢兩張相， 邊個來 ? 我點知啊，在網上亂找，真係唔識佢，總之靚女啦，呀~~索女先真。 左手邊 27" 16:10 ( 1920X1200 ) ，右手邊 24" 16:9 ( 1920X1080 ) 同屬一張相，27"打橫 Fit on Screen 張相細過直度 24"好多，個勢輸晒啦，唔需我教都識得睇，24"明顯胸狠好多。
Actual Pixels ? 27 " 又如何 ? 死得仲慘，見到嗎? 點搞呀~~~整個.........Sorry整對南半球消失了，睇少咁多野，死得啦。
訓響度 27" 就叻，講到睇直度相片，點同直Mon鬥 ? 跟我講多次，睇直度用直Mon。
好多人取笑別人打直手機拍片係白痴行為，仲有人作左首歌唱出來取笑， 其實他們究竟識唔識，又明唔明白架? 你睇，美女咁樣拍，唔打直部手機點拍到呀，咁環境打橫拍就真係白痴喇。
國內朋友，請用以下視頻收看 http://v.youku.com/v_show/id_XNjczNjk2OTk2.html
呢類打直拍的片，用返直Mon睇開心好多啦~~~~
再一次証明尤其美女手機自拍，應該是打直拍，經常取笑人打直拍的人反思一下吧， 不過................這方式只有女生能証明到，男生免問。 野就死的，人就生的，幾時打直拍，幾時打橫拍，想一想吧。 以下係這段片在 Youtube 的樣子。
又問呢個女生個名? 我唔知啊~~~圖片來自互聯網呢。 27 " 睇直度相都話唔好行 Actual Pixels 架啦，睇少好多野架嘛 。 拿，係咪呢~~~~~越高解像，錯過精彩內容越多，你自己話係唔係喇 ?
跟我講多次，睇直度用直Mon。
噢~~但行 Fit on Screen 張相又細過 24"直 Mon，問你死未?
拿~~~呢位美女你無奶油唔識喇掛，都係來自互聯網。 有人話看別人 Photoshop 開幾多工具出來做野，就知道對方有幾多斤兩，工具開得越多，代表越熟識使用 Photoshop 。 某程度我同意，因為我連預設彈出來的工具都識唔晒，仲話開多幾個出來? 唔好玩啦。 我話用個直 Mon來放工具，你唔係信真下化? 開法拉利就係車手? 用單反就係專業攝影師?
CAS 仲囉命呀~~~~~ 你有無見過咁長的 Cover Art 呢? iPad Air 都無一眼見咁多格 Cover Art 掛。 幻想一下，邊上網邊用 iTunes 聽歌，在呢個咁大塊的面版上選歌，開心唔開心先~~~~~~ 我數過架喇，27"同一時間可以Show到 66個Cover Art，而 24"直度只能同時出到 54個， 但呢點係因為左手邊 27" 16:10 行 ( 1920X1200 ) ，右手邊 24" 16:9 行 ( 1920X1080 ) ， 但重點係用兩個Mon時，用家只需用滑鼠直接篤個 iTunes ，唔需收起使用中的畫面先可以操作 iTunes。 區區出少 12 個 Cover Art ，豪比你囉~~~
Show 埋曲目都仲有大把貨，囉命到呢~~~~~
27" 本身都夠同時睇到兩個視窗架喇， 你睇，在直度之下， avbuzz 個主頁睇多好多格，開心到呢~~~~~~~
直 Mon可以用一眼關七來形容，同時睇到 avbuzz 內頁上下兩張相
線嘈設計得好靚仔，可同時收納電源線與HDMI線。 出線位絕唔會在個 MON 旋轉角度時影響到線材，無論是打直或打橫，都可調校傾斜角度，也是這機賣點之一。
出線位算精美~~~~
唯一缺點係橫放狀態之下，其高度唔可以上下升降。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
