|
新宿拉麵店 坂上貴哉 發佈日期 : 2014年 3 月25 日 圖 / 文 : 巴斯
呢間位於新宿常去的一家拉麵店，幾年前開始光顧，今日依然存在，一定有佢理由。 和其他食店一樣，門口有食卷機，看圖識字，篤幾下就完成交易。
點餐後，把食卷交到侍應手上時，店員會問三個問題，下面張紙都有講，你咁聰明，一睇就知係問乜啦。 等食期間，當然四處影下相。
桌上最好味要算呢款醃製蘿蔔，任食架播，唔~~~~~提起兩邊鰓都流口水呀，是店內必食的呢。
係人都知拉麵店最重視湯底，這家當然唔例外，圖中所見，在店鋪當眼位置，可見貼上這段文字， 意思大約是 : 見到碗裡餘下的湯多少，正代表客人對本店的滿意程度。 你可感受到，如客人把湯飲盡，拉麵師傅有幾開心。 有食家話新宿區的拉麵店，一般都會用豬背油來做湯底，唔知係咪真的呢? 無奶油全新宿都係咁掛。
有次我座這個位置，身邊有位遊客食完之後，把抹完咀的紙巾，投入湯裡面， 天呀~~~ 你感受到那個不安樂嗎? 好彩我係後來的客人，老闆唔會以為我跟他們一起， 我自己係食客都唔安樂，你能體會到拉麵師傅感受嗎? 如果我用侮辱來形容呢種行為，你同意嗎? 這件事使我一生難忘。
有得食喇~~~~兩碗拉麵都來到面前，你睇下個Size，就知邊一碗係屬於 Tiffie 呢。
呀糯~~~~我要加大架呢~~~~
你睇個樣咁，我話唔好食你都唔信啦~~~~~你話比我知叉燒肥唔肥喇~~
相機食先~~~~ 雖然我唔知點解相機食先叫唔尊重食物，但我係咁架喇，卡擦~~Facebook 發相，食得!!!
坂上貴哉 〒160-0023 東京都新宿区西新宿7-1-
4 ゼンコービル1F （新宿） 電話: 03-5348-7691 http://tabelog.com/tokyo/A1304/A130401/13123993/
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
