|
ELECOM Card Reader 發佈日期 : 2014年 5 月 3 日 圖 / 文 : 巴斯
今時今日，很多相機，就算是入門級別，都擁有Wi-Fi傳相功能，扮Pro的我用上柴油式型號單鏡反光機， 身體沒殖入Wi-Fi 功能，雖然廠方有額外購買的 Wi-Fi 裝置，但叫價幾千港元，外省民工的我又點可能負擔得起呢? 每次用大機影完相，唔可以第 一時間貼上網，要等到回家後先可以處理，非常無癮。 點解唔另購 Wi-Fi Card，嘿~~~我受夠了，下刪三千字粗口，唔好再同我提 Wi-Fi Card，你們玩得開心D。 我用 $10 港幣 On The Go 線，配合普通一個 Card Reader 解決了這問題，缺點是除了一定要 On The Go 線跟身，還要帶備 Card Reader 配合使用。 無論去旅痕，又或者平日出街，這個組合，係唯一能幫到我的工具。
這日得銀手介紹，他公司附近這家專門在日本設計的品牌店， 順手買了這個 $198 港元小幫手，可使我帶小條 On The Go 線。 雖然呢類 Card Reader 一街都係，由於唔經其他腦場，就地正法在這家店購入就算。
市面上淨 USB ( A ) 的多合一 Card Reader 多的是，但同時擁有 Micro USB 與 USB ( A ) 一起， 並同時配上三款我常用的 Card 款，基本上是為我度身訂做一樣，缺一不完美，手上的單反機，依然是用上石器時代的 CF Card。 當然其他人未必適合，但.........與我有什麼關係呢?
就係咁，今後可帶小條 On The Go 線。
體積細小，方便跟身是她討好我其中一個理由。
接上手機後，由於是有讀與寫功能，透過手機內 我的檔案 介面自動彈出後，就可以把手機與記憶卡資料互換。 也是因為手機本身提供縮圖關係，用家可以一張張圖片睇住來挑選又得，一刀切全選也是零難度。
不支援 64GB或以上 這讀卡器，64GB或以上係讀唔到的，如果手上用開
64GB或以上，用$10 on the go 線配原本支援讀卡器最好，這產品並不適合你使用。 除手機裡 Mirco SD 是 64GB外，手上用來拍攝用記憶卡，最大容量只是 32GB，所以這缺點對我無任何影響。
我自己就唔建議人用呢個方法，因為原廠明明有提供 Wi-Fi 器材嘛， 又要套用時下的萬用金句，唔係有錢買機，無錢買無線傳輸下化? ^^ 我身份低微唔怕比人笑，但其他人就無謂啦。 以下係官方有關產品介紹 : http://www2.elecom.co.jp.c.gj.hp.transer.com/data-media/memory-rw/mrs-mb07/
包裝就係咁樣喇，無論是否喜歡，就只有一個色。
雖然這個專門店都是出售呢家日本設計公司，但今時今日連 iPhone 都係中國製造， 區區一個 Card Reader，世界工廠出品又有幾奇呢?
盒內除了這 Card Reader 外，純日文說明書就是盒內僅有的東西了， 由於使用 Card Reader 基本上都無需要睇說明書，所以睇唔明日文也無所謂。
同時擁有兩款 USB 插口，而讀卡口有三款，最重要是這三款熱門插口，足夠我手上器材用了， 當然包括埋我部柴油式單鏡反光機所用的CF Card吧，至於無法對應其他十萬九千七古怪卡，一一與我無關。
我沒有走過全港十九區格價，這個價位是全港最平還是最貴，我也不太清楚。 如果唔想去腦場花時間慢慢找買其他牌子，堅持要來這裡買的話，可以去位於荃灣區這個商場， 只要找到內裡的中國銀行，就可以找到這店鋪的位置，因為她正正就是在中國銀行旁邊。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
