|
得個睇字 發佈日期 : 2014年 11 月19日 圖 / 文 : 巴斯
MagicTV 能對 HKTV進行錄住睇，睇住錄的 9.00HKTV 測試版軟件更新，推出不足 48小時，於今晚 18日 約十時許即時宣佈下架。 當你見到呢篇文章時，MagicTV 軟件更新，早被換成最新版本 9.01 HKTV 測試版 ， 這版本屬於得個睇字的功能中伏閹割版 ，一經安裝即時生效，今後再無錄影功能可提供。 以下係更新成 9.01 HKTV 測試版過程。
成功更新成為 9.01 HKTV 測試版
最新 HKTV 的 EPG 也能見到各個節目時段播放表。 而且有倒數時間字句，我喜歡。
的而且確，用戶依然可以為 HKTV 進行預約錄影設定，而且有 R字樣作為確認。
預約錄影清單上也榜上有名。
但~~~~~ 無錯，又來到但的時候了，點解會係但? 因為到真正錄影時間到達時，圖中所見的溫馨提示就會跑出來，咁就知道呢個名為 9.01版本奶晒野了~~~~ 說好的預約 HKTV 錄影節目，最終當然錄唔成。其實就算即時錄影，都一樣無效，依然會出現圖中所見的 溫馨提示
你做乜跣我~~~~~
有無九菜~~~~
還魂 立即飛撲去 Magic TV早前向公眾發放的連結，想得回 9.00版本，但好可惜，來遲一步了，該條 Link 唔知幾時成為死 Link了。 冷靜過後想一想~~~~早前的錄住睇，睇住錄版本，當時有試過用 USB 手指作更新， 萬幸我還意外地未 Delete ，所以.........我.......豈不是..........
南磨婆羅，救苦救難觀世音菩薩，一定要成功還魂呀~~~ 小人願意從今以後戒食恐龍肉來酬謝神恩。
立即把早前 9.00 版本，意圖及企圖蓋過 9.01 版本。
不需幾分鐘，Reboot 後，早前預約的 HKTV 錄影節目， 因為呢個版本而重新執行到錄影功能，現在無事，真係一額汗，現在回想起來都好驚呀~~~~
點解 嚇到我半死，就算半夜三更都要找臥底來問個究竟，據臥底所講，MagicTV 今日收到通知被要求，把能對 HKTV 作錄影的功能取消， MagicTV 也基於禮貌與尊重而無奈把有錄影功能軟件下架。 雖然臥底無講到點解對方咁介意 MagicTV 可錄影 HKTV 節目內容這項功能， 以我個人盲目亂猜，收看 MagicTV 錄影的人次，是無法計算在官方網頁點激率上。 如果大家想 MagicTV 再次提供錄影功能的話，向一男子請求是唯一方法了 ， 那個一男子唔係姓涼，係姓皇那位啊 ^^
其實可能只係我咁多餘要錄節目吧，基本上 HKTV 官方早提供網上重溫節目內容，根本無需要限時限刻睇，咁又何需要錄呢? 在線睇對絕大部份人來講，有乜問題呢? 反而普通市民會反問究竟錄來做乜就真。 何況現在 Magic TV 唔係無得睇 HKTV 嘛，只係無得錄遮。 何況我手上版本，依然可錄影，正所謂事不關己，乜乜物物，唔同你講住，睇下錄乜野節目先。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
喂皇先生呀，我呢，想咁咁咁...........
