發佈日期 : 2015年 2 月4日    圖 / 文 : 巴斯

昨日 ( 星期二 ) 靠國仁照住去睇 Denon 最新旗艦 AVR-X 7200W ，

呢款 Av amp 淨睇型號都知係高階過正在發售中的 AVR-X5200W，兩者除了型號與售價上差別外，究竟有甚麼不同之處呢?

呢日 D&M 邀請 www.feversound.com 的國仁來到位於尖東陳列室了解一下，

 D&M 產品經理 William 詳細講解之餘，國仁還全程拍攝，

國仁打算以深入淺出方式去介紹這部 Denon 最新旗艦機給大家知道。

相信我，睇完國仁的報導，保證一定了解呢部機點解會係旗艦機，最重要係有甚麼強項而值得大家升級呢? 

報導仲可以見到這機開蓋圖，講到解剖圖就要等國仁報導，但依家可以比個遙控大家袋住先......Sorry，應該係睇住先 ^^

下圖所見就係 AVR-X5200W 與 AVR-X 7200W 遙控，位於上方是旗艦機遙控，

屬於震動亮燈功能款式，方便漆黑中一拿起個遙控，就會自動亮燈。

講到 William 今次用甚麼片段示範，除了近日一熱的 DTS 2015 示範碟內容外，還有圖中所見三隻碟。

我終於知道上個月在大阪旅行期間，點解要專程幫 William 買兩隻日版藍光碟回港理由了，

因為今日示範片段裡，其中兩隻就係當日所買軟件。

當中呢隻名為 NATURE 的生態內容碟，全景聲效果超靚聲，

同時有環境聲，音樂聲，還有效果聲，顯得聽感豐富，

搞到自己唔知應該欣賞畫面先定欣賞聲效先，咁又幾時先夠時間欣賞到內容呢? 

講到呢隻碟內容非常之吸引，有別於一般常見生態內容，我和國仁拍晒手掌，William 果然好識落藥害人呀 ^^

　下圖所見，正是我所講的 NATURE 生態內容碟包裝，一套三隻碟，有3D藍光版，2D藍光版和 Bonus 碟。

隻碟有幾巴閉? 就好似其中一段講述獅子魚內容，環繞聲了得之外，仲好有緊張氣氛。

擁有全景聲系統朋友，呢隻碟不能錯過。

電影方面，好喜歡同樣擁有全景聲效果的殺神，當中有兩段很吸引，

第一位要數必定是酒吧鎗戰，專業式殺手動作吸引，聲效與配樂都係不能錯過的效果。

尾段戶外打鬥，配合全景聲下雨效果，同樣是擁有全景聲系統朋友不能錯過的精彩欣賞片段。

想知更多有關 Denon 最新旗艦 AVR-X 7200W 的資料，

一定要留意 www.feversound.com 國仁報導。

這篇文章還有Video 版本，

有興趣可到以下網址得到重溫。

http://www.avbuzz.com/audio-video/201501/ken-denon-7200-V/0.htm

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。