|
安樂窩 發佈日期 : 2015年 2 月23日 文 : 巴斯
一向以介紹上車盤給首次置業人仕的節目安樂窩，今集 ( 第220集 ) 報導一位單身人仕的安樂窩，作為影音發燒友的你，今集一定不能錯過。 家訪一開始就見到係發燒友都認識的入門級影音組合，非常適合打算首次置業人仕收看。
作為發燒友的你，見到呢套入門級組合，係咪好有親切感呢~~~~ 呢套組合，基本上每個發繞友，身處入門階段時都應該擁有過吧，呢套窮人恩物，你唔係無擁有過下化?
今集嘉賓仲有近日火紅的他出席。
以呢個視聽距離，無玩到投影幕是正常的， 比著我都會唔用投影幕，平日睇下新聞天氣都方便好多，勝在畫面夠大，正。
唔玩投影機，唔代表無家庭影院， 除了額外一套有左中右喇叭在正面外，這客廳依然有環繞聲設備，絕對是影音分家的組合。
睇得出屋主非常熱愛影音，但節目好明顯無提咁多，始終都係介紹居住單位為主的節目嘛。 正當大家以為客廳就是影音器材的全部，下圖所見係睡房內的樣子，鏡頭最上方可見批到一半 JVC 投影機頭入鏡， 但內容無提到有投影機呢回事，投影幕自然也是沒有提到。 考下你，圖中睇唔睇到屋主用什麼藍光機和 Av amp ? 答中無獎 ^^ 有關睡房擁有家庭影院呢樣野，內容無提到，明明係客廳一套，睡房一套，睡房仲要係投忍雞天， 點解唔提呢? 可惜~~可惜~~ 再多口提句，這節目以介紹居住單位為主節目，唔講咁多影音野也是正常的。 唔知點解沒有介紹到這屋的廚房位置，不過唔緊要丫，淨睇影音野都好開心了。
明明上述都有藍光機和 Av amp，依然可以見到床尾有另一套兩聲道器材。 啊~~~睡房這裡也是影音分家的呢。
而床尾有音響器材這回事，內容又有提到，只係無提到有家庭影院， 雖然鏡頭無正面影呢套兩聲道係什麼組合，不過眼利的你一定睇得出，又係屬於另一款入門級窮人恩物組合麥景圖啦。 ^^
這裡是浴室，看到嗎? 浴室都唔放過擺放喇叭，一再證明，屋主是非常熱愛影音。 點解浴室都有冷氣機 ? 哈~~節目有講的。^^
講述浴室這裡時，有提過一句，在浴室可以望出去見到大銀幕，輕輕帶過 家影院影 就算。 係咪好吸引呢? 作為影音發燒友的你，一定不能錯過今集安樂窩。
錯過了的朋友可在本星期這兩個時段的 J2台 追錄。
或者透過 My TV 得到即時重溫 http://mytv.tvb.com/lifestyle/ownsweethome/200296
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
