|
LUMIN TIDAL 發佈日期 : 2015年 4 月2日 圖 / 文 : 巴斯
愚人節的早上，收到 LUMIN 臥底所發出電郵，內裡有最新非公開靱體更新檔案， 呢個版本正正就係針對近日火紅的 TIDAL 對應更新，也代表著 LUMIN 也能對應 TIDAL。 TIDAL係乜 ? 可理解成 Spotifly 的高音質版本。 有關 TIDAL 介紹，可重溫 www.feversound.com 國仁有關報導，睇完包你明白晒，唔睇唔好話識我 ^^ http://www.feversound1.com/150331-tidal/ 廢話小說，立即把 LUMIN 更新。
代用 app LUMIN 擁有自家強勁 App ，對應 TIDAL 功能還在趕工製作中，暫時未能使用，那..........就算更新手上靱體，豈不是得物無所用? 幸好臥底發現 android 提供一款名為 BubbleDS Next 的 app ，能配合 LUMIN 即時對應 TIDAL。 把 LUMIN 靱體升級後，利用 android流動裝置配合這個 app ，就可立即玩到。
利用手上 LG G3 與 Samsung Tab S 8.4 安裝這個 app，只需開啟 LUMIN ， 在這個 app 如下圖所見選取 LUMIN 就可使用，完全無需在 LUMIN 身上做任何首次設定。 有 LUMIN 硬件配合，又有 BubbleDS Next 這個app對應，咁最後要歌曲的話， 播放來源當然是選取 TIDAL 吧。 由於 TIDAL 現在提供 30日免費試用，必定試玩一下啦。
TIDAL 月費 $96 港元，就能享有跟 CD 一樣 16bit / 44.1 kHz 質素雲端音樂檔案播放。 付費時緊記不要經由 APP 版進入付費，因為如下圖所見， 用網頁版進入是$96，但用APP版來進入是 $203，每月差額達 $107 。
試想想，購買對應 TIDAL的串流播放機回來，作出簡單首次設定，海量歌曲立即有得聽，新歌源源不絕， 唔想自己轉檔的朋友真係開心，仲慢慢同你又轉檔，又搞封面和分類咩。
唔需靠什麼 NSA ，什麼長開電腦........ 什麼 iTunes......... 什麼 Minimserver......大大吸引想玩 CAS，但又怕麻煩的朋友們。 操作簡便，小朋友都識用，直頭要比個諾貝爾和平獎佢呢。 音質方面，以 16bit / 44.1 kHz 個人標準來講收晒貨，而播放期間也很順暢，沒有出現過唔正常情況。
雖然 TIDAL 還未提供更高質素的 DSD 與 24 bit / 96 kHz 或以上的高清檔案， 但以好歌先決的我來講，我所喜愛的曲目，多數沒推出高清檔。如果他日有就聽，無就算，海量歌曲聽唔完，慢慢唔遲。 由於 LUMIN 不對應 TIDAL所提供官方 app ，暫時用著 android 提供 BubbleDS Next 也無不可。
但~~~~ 無錯，又係來到 但 的時候， BubbleDS Next 這個 app，非常之廢，唔怪得 LUMIN 堅持要自己寫 app， 過渡期用呢個 app係唯一方法，長用的話，你用埋我份吧，希望 LUMIN 能快點完成有關工作，感激。
TIDAL 講完 LUMIN ，轉下話題，TIDAL 所提供音樂庫內中文歌，無論是歌名，或是歌手名稱，都是以英文方式存檔。 搜尋中文歌，要輸入英文，陳百強，鄧麗君，張國榮..........通通要用英文名先能找到。 所以在 BubbleDS Next 這個 app，所出現中文問題，千萬不要誤會是 app問題，是 TIDAL 音樂庫問題。 就算是用 TIDAL 官方所提供app，依然是因為音樂庫本身問題，中文歌只能以英文顯示。
TIDAL 擁有屬於自己的 app，雖然好用過 BubbleDS Next ，但不能對應 LUMIN，唯有在 LG G3 和電腦透過 google chrome 玩住 TIDAL 先。 無論是電腦或是流動裝置播放，音質收晒貨之餘又方便。 如左圖所見，輸入張國榮係找唔到的，要如右圖輸入 Leslie Cheung 咁先找到。
一直以來我最喜歡的 G.E.M.，在我自己音樂庫，都是以 G.E.M.命名，而唔係鄧紫棋， 輸入G.E.M. 自然一擊即中，哈~~~~幸運是她的歌名，都是以中文顯示，而並不是英文，太好了~~~
但絕大部份的中文歌檔案，都是以英文為主， 就以吳雨霏為例，要輸入 Kary Ng 先能找到，非常不開心。 可能你會話，輸入歌手英文名有幾難呢，你睇埋先啦.........
好似 Beyond 咁，好叻啦，終於比我想到英文名，好巴閉了， 但你睇呢張專輯叫什麼名? Ming Yun Pai Dui ? 我知，你一睇就知係命運派對丫嘛，我唔明之嘛。
圖中所見，陪你倒數 這專輯係用國語併音 Pei Ni Dao Shu 來找尋， 我知難你唔到，不過我唔識咁解遮。
敬請有關方面盡快解決這問題，感激，感激，再感激。
非發燒友專用 利用她的 app，在流動播放裝置都能陪著用家一起，最重要係可以多聽到最新推出的整張專輯， 唔需要聽來聽去都係那一堆歌曲，用得好開心，只需月費 $96 就能擁有，值得推介。 4月1日，自然是聽張國榮的歌啦。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
