|
_______________________________________ 發佈日期 : 2015年 7 月11日 圖 / 文 : 巴斯
LUMIN 繼早前把 TIDAL 殖入方便到無朋友介面後，7月10日透過 App 與 LUMIN 韌體更新後， 今後用家就可在 LUMIN 操作介面上，點播 qobuz 內歌曲。
qobuz 除提供 16-bit 串流播放外，還有部份曲目以 24 bit 作串流播放。 就以圖中所見呢位大家熟識歌手的其中一張專輯，便提供 24 bit /176.4kHz 串流播放。
在 LUMIN 顯示屏上可見， 正以 24 bit / 176.4kHz 播放 FLAC 格式當中，係咪好開心呢?
昨日起，透過 App 與 LUMIN 韌體更新後， qobuz 戶口用戶， 便可在 LUMIN 操作介面上播放 qobuz 裡的無損音樂格式曲目。
更新後，LUMIN 操作介面上除原有 TIDAL 戶口外， 還提供到 qobuz 戶口登入。
24 bit / 176.4kHz 在 LUMIN 操作介面上可見，TIDAL 與 qobuz 的操控位置， 透過 LUMIN 播放器的資料顯示，可清楚見到 qobuz 提供給這專輯內曲目， 都是透過 24 bit /176.4kHz FLAC 格式放送。
MAD MAX 當然不是整個網站所有曲目都是 24 bit ，其他大部份都是 16 bit / 44.1kHz 的歌曲。 圖中可見找到 MAD MAX 電影原聲專輯。
Taylor Swift 話 Apple 搵佢著數的 Taylor Swift ，除舊作外， 她最近的 1989 專輯，都可以在這裡找到。
盧冠廷 明白，明白，你唔喜歡聽英文歌丫嘛，明白晒~~~ 盧冠廷新專輯...........噢 Sorry，呢家法國公司音樂庫係無盧冠廷呢位歌手的，只有 Lowell Lo， Lowell Lo 的 Beyond Imagination 專輯曲目，係用英文併音方式顯示。
考下你第 5首歌名係乜丫拿，你最快可以幾耐答到我呢? 答案係 : 一生所愛 ，咁後面括號內的字呢? ^^
陳奕迅 盧冠廷新專輯都唔夠新? 咁佢呢? 陳奕迅最新專...........噢 Sorry，呢家法國公司音樂庫係無陳奕迅呢位歌手的，只有 Eason Chan， Eason Chan 最新專輯 準備中.............Sorry，音樂庫係無準備中呢張專輯，Getting Ready 就有喇。 呢張專輯新鮮到不得了，很多朋友還未有空到唱片店，這些平台就有，都唔知是否需要去買實體CD了， 當然其他平台，包括 TIDAL 也能找到這專輯。 歌名呢...........歌名就.........有進步喇，唔係併音，只係用英文方式顯示，難唔到你的。
其他陳奕迅專輯..........Sorry， 其他 Eason Chan 專輯在 qobuz 音樂庫裡可找到。
夏爺 拿~~~夏爺最新賣到拿金唱片的專輯 諳5，都可以在這裡找到。 金唱片又如何，金唱片曲目都係要英文併音。
國際 G.E.M. 不過總有例外，G.E.M.就唔同喇，她曲目，就唔受英文併音影響而原汁顯示， 嘿~~有名你叫國際 G.E.M.，唔係浪得虛名的~~~^^
Chin Tsai 唔聽新歌丫嘛，明白，明白晒，完全明白。 蔡琴丫嘛~~~~對唔住，無蔡琴，Chin Tsai 就有一位。 曲目都係英文，唔緊要啦，Fans們都聽了幾十年，曲目名稱都熟到透， 一睇個封面，要Fans們背返晒曲目出來都仲得啦，要睇曲目名先講得出歌名，太侮辱他們了。 區區英文，難唔到Fans們的。
Teresa Teng 覺得 Chin Tsai 唔夠舊? 咁 Teresa Teng 丫， 佢的歌Fans們更熟啦，見到封面，曲目倒轉背都難唔到Fans們，無視她的英文併音曲目吧。
Li Ji Zhang Li Ji Zhang <<<< 密碼來架? 我點可能咁有幻想力，猜到張立基係咁樣打法呢? 乜張立基唔係 Norman Cheung 嗎? 真係人都癲~~~
Priscilla Chan， Faye Wong，Sandy Lam，Andy Lau，Sammi Cheung....應有盡有， 你記得他們的英文名就得喇。
收費 唔想自己啜碟，呢類無損音樂串流播放是最佳選擇， 一手交錢，一手交貨，整個海量音樂庫就任你播，而且又靚聲。 收費詳情可到以下官網進一步了解。 http://www.qobuz.com/gb-en/plans/music-streaming-subscription
個人評價 聰明的 LUMIN 一再與無損音樂串流公司結盟， 對用家來講，對內有自己心血 Rid 出來的音樂檔案， 對外有海量無盡不斷更新的新音樂，真係聽都聽唔晒。
初步在 LUMIN 操作介面上使用，覺得 qobuz 檔案質素也非常之高， 資料庫管理方面無 TIDAL 做得咁完整， 但另一方面， qobuz 中文歌庫曲目，明顯比 TIDAL 為多，但要頂得住英語或英語併音曲目。 音質方面，如是 16 bit / 44.1kHz，兩者在音色上沒有兩樣。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
