我睇1050P
以下內容，全都係我自己個人的睇法，內容如果有得罪各位的話，敬請見諒。
最近見到好多朋友追問有關 Skyworth 1050P DVd機是否一架好機的問題，
我自己用緊，答案係有兩個，要睇朋友你係用緊什麼顯示器來作決定答案，
巴斯用了手上的Pioneer S10A和佢作出比較，有了以下純係個人睇法的報告，想和各人分享一下。
首先希望各位朋友放低價位一邊，唔好用價位作決定，如果用價位作決定的話，
根本就唔需測試，$1800一架機，仲有什麼好唔好的分別呢???
只要講一句，$1800你想點啊???咁就什麼也唔需比較，所以我們唔好睇價位，只睇表現。
如果朋友係用緊可對應 progressive的顯示器的話，1050P對你來講，係一架好機。
如果朋友係用緊一般(480i)= S輸入，色差輸入顯示器的話，這1050P對你來講，作用唔大。
好如果朋友你的顯示器係可對應 progressive的話，咁就恭喜你，你有福了。
強項一
這款Skyworth 1050P內置處理Video的晶片，係用上了頂級倍線器Faroudja廠最新技術，
內裏其中一個DCDI高級技術，早被Faroudja註冊為專有技術，佢的強項係有較地把播Video畫面時，
大量去除播Video畫面上的九牙邊位，這方面S10A做唔到佢咁好的較果。
這款Dcdi技術，就算係售價達六萬二千元的Faroudja型號2200都無資格有，
要十幾二十萬的Faroudja型號DVP-3000或DVP-5000先有資格擁有。
強項二
普通progressive DVD機只係處理了DVD碟，以480P輸出來就算，
但係Skyworth 1050P係經過了Faroudja這款晶片處理過，再輸出到你的顯示器材上，
色彩比普通progressive DVD機，賓紛好多。這方面S10A無佢咁賓紛。
強項三
一般日本 progressiveDVD 機，有時係鎖唔定某些DVD碟的畫面，會出現橫紋，
但係 1050P就大大減小這個問題的出現，另畫面流暢咁運作。這點S10A輸了。
強項四
市面上的 日本progressiveDVD 機，當播出某D紅色時，就會出現爛邊的情況，
但係經過Faroudja這款晶片處理過之後，通通唔會出現這個情況。
強項五
市面上的日本 progressiveDVD 機，係播唔到Pal線碟的progressive，
但係這款1050p，係絕對重播出完美的畫面。
其他強項
仲有就係任你插100v又得220V又得，唔需啪野，由 85v-245v都得。
不滿操作上面比S10A慢好多，有好多時你按搖控幾次，佢都唔採你，一係就係咁跳左唔知去邊，
有時仲會Hang埋機添!!!
講到聲音方面，差唔多一定答你，必需要用佢的光纖輸出，用同軸的話，輸比S10A幾條街，
有能本事無低音都得，如果用光纖的話，會好好多，起碼可以入得耳，
唔同S10A作比較的話，我覺得無問題，你會聽得好開心。
一般DVD機，你只需Set一次Audio部份就ok，但係1050P就唔係咁講法，
你Set好播聲係DD或DTS都無問題，
點樣換碟都得，但係你就只可以換DD或DTS碟，你播播下DD或DTS碟，你改放隻PCM碟落去播的話，
佢會無聲音出，要你停左成架機，走去Menu度，選返播PCM咁先有返聲，
咁你睇完這隻PCM聲音的DVD之後，唔該你記得Set返佢做DD或DTS，
如果唔係的話，你再放隻DD或DTS碟落去的話，又會無聲。
利用VGA接上Tau睇，係就係無晒D九牙邊位，所有掃描線無晒，一掃而空，
但係陽光的感覺無晒，比起用普通DVD機S或色差入的話，
我會選擇返用S或色差入的480i比較好。
為左另大家可對1050P了解多D，我影左D相片和大家分享一下。
外型算係OK，和一般大陸機的外型有所分別。
這款計設，另巴斯想起，第一架推出市面的Panasonic的progressiveDVD機。
卡啦OK需然係我最唔喜歡的功能，但係佢的設計，唔係咁覺眼佢的存在，
最左手邊的輸出，係一物二用的，
左邊由上至下合共三粒輸出，就係普通色差輸出，如果你係打算用普通RCA輸出的話，
咁樣你只需接到最下紅色的一粒，就係普通Video輸出了。
S-Video的輸出就在中間。
唔想另買AV-amp的話，可接上1050p的解碼。
光纖和同軸的輸出口，唔需想咁多，123接上光纖，唔好用同軸了。
圖中所見的係1050p機背的兩組 progressive輸出，一組係progressive色差，另一組係VGA，
大多數朋友都會用電腦Mon接上這個VGA輸出。
圖中可以睇到進款機的各樣功能，但係我自己就當見唔到，因為我的出發點，只係佢的Faroudja晶片，
唔係佢什麼Mp3，VCD ，.........他們對我來講，作用不大，如果這些功能可以換返錢的話，
我願意。
和東芝高解像數碼錄影機設計一樣，1050p，機身左右各有裝飾用的藍燈。
在黑暗中，1050p就藍得比較柔和，錄影機就比較刺眼一點。
圖中的就係DVD內的轉盤，用料算係唔錯。
這份零件，就係提供電源。
圖中所見，係普通色差，S和聲音解碼部份的零件，完全和Faroudja的晶片無關。
圖中清楚可見到，這份主要零件，只係接上到VGA和HD色差上面，
S和普通色差的輸出畫面，係唔會經這份零件的，
如果你唔係用來接上對應progressive的顯示器的話，巴斯覺得，真係和普通大陸DVD機無什麼分別。
這粒就係成架機的最最最主要部份之一，大家唔需奇怪，這粒晶片上的Sage字樣，
為何唔係Faroudja???原因係Faroudja早被Sage收購了。
就係因為被收購，Sage把佢大眾化，我們先可以有機會，用咁平的價錢，得到咁高的技術。
電壓由 85V-245V都直插就得，無需啪任可掣，相信都無邊一個國家唔合用。
而雖然機身背面係印有3區字樣，但係大家心知，任何區份的碟，都難唔到佢，
當然包括埋Pal的progressive碟啦!!!
電源線唔係我們喜愛的粗Size，不過一般機，就算係日本仔機的電源線，都唔會好粗。
總結
就我自己來講，如果你係用佢來接上progressive的顯示器用的話，我會推介買，
因為佢的畫面，在progressive顯示器，所出來的較果真係非常之好，其他DVD機比唔到你這個畫質，
但係你要接受佢D聲音，唔係你們用開的日本DVD機的聲音。
但係如果買1050p返來打算係用作S或普通色差的話，咁就可以不理。